توفى إلى رحمة الله وترك عالمنا المخرج روبير طلعت إثر أزمة قلبية مفاجئة في مطار اسطنبول أثناء عودته من التصوير من جورجيا.
ونعت شركة “مانجوم” المنتجة لمسلسل “طايع” خبر وفاة روبير طلعت عبر صفحتها بموقع Facebook، وكتبت: “تنعى شركة ماجنوم و أسرة مسلسل طايع بكل الحزن و الاسى الاستاذ روبير طلعت المخرج المنفذ لمسلسل طايع حيث فاجئته ازمه قلبيه في المطار خلال عودته من تصوير مشاهد بأوروبا للمسلسل.. رحم الله الفقيد العزيز و الصديق و لاهله الصبر و السلوان”.
وعلق المخرج محمد دياب عبر حسابه بموقع Facebook كاتبا: “روبير طلعت المخرج المنفذ لمسلسل طايع اتوفي امبارح بأزمه قلبيه مفاجأه! روبير اللي عمره في الثلاثينات كان مثال للتفاني و الدقه و اعتقد انه حرفياً موت نفسه في الشغل. آخر فيلم اخرجته من كتر الضغط و التوتر خرجت منه بهزه عصبيه لا اراديه في جسمي قعدت معايا سنه. و عدي عليا اوقات كتير اتشاهدت ظناً اني خلاص بموت، تخيلوا لو حد عاوز يحافظ علي نفس درجه الاتقان و التفاني في مسلسل اللي هو عشر اضعاف حجم الفيلم!!!!!! منظومه صناعه المسلسلات بضغوط مواعيد رمضان المستحيله علي الورق هي انتحار مجبر عليه العاملين في صناعه التليفزيون، يمكن تأثيرها السلبي علي حياه اللي بيشتغلوا فيها مش دايماً بيبقي سريع بس مؤكد دي مش طريقه شغل صحيه و مؤكد انها مدمره ذهنياً و جسديا”.
وتابع: “ربنا يرحم روبير و يصبر اهله و ربنا يحفظ كل المجتهدين و الجنود المجهولين اللي بينتهوا حرفيا عشان الاعمال الفنيه تطلع للنور … و لو ان مفيش عمل في الدنيا يستاهل ده و لا المفروض يكون تمنه كده”.
