ياروح الروح (1..3)…اشعار / ساحر وصفى
ياروح الروح
ابيات : ساحر وصفى
ياروح الروح
يا كل الدنيا والاوطان
بقالي زمان
وانا بكبر وبستني
اشوفك.. كنت بتمني
يكون عندي حفيد زيك
وجيتي وكنتي وردايه
وقمرايه وشمسايه
وغنوه واحلى ضحكايه
وكنتي ياحته من قلبي
كمالة عمري وحكاية
وكنتي لما بحكيلك واغنيلك
لحد ياقلبي ماتنامي
وقدامي صلاة الفجر اصليها
وادعيلك بطول العمر والصحه
وم الفرحه. بقيت خايف من الايام
تفرقنا واغيب عنك لأي مكان
المزيد من المشاركات
وفجأه لقيتني مش داري
بأي مكان بأي زمان
توقف كل شيء لما
لقيتني بروح
وانا مجروح
اشيلك وانتي في حضني
ودمك مسك متصفي
وشفت الغدر حواليكي
غدر بيكي ودمر كل احلامك
وفستانك وقلمك وياكراستك ولعبك
كل شيء بيروح
وصوتي يروح
بقى مبحوح
وأفوض أمرنا لله
سبقتيني.. وسبتيني
وبكره رب يجمعنا ف مكان اجمل
ياروح الروح.
