عيشت سنيني غرام وهدايا
ومقصرتش ف المصاريف
مره تقولي نروح كنتاكي
ومره تقولي نروح الريف
وأنا من كتر ماكنت بطاوع
كان جيبي باقي الشهر نضيف
ورغم دا كله عيشت وكاتم
متكلمتش ع التكاليف
لبس هديا واكل وفسحه
كان تبذيرها بشكل مخيف
مرة ف مرة زاد طلباتها
وكان النهية لازم تكييف
أم حمادة جايباه بلازما
علشان حر وجو الصيف
اتنرفزت وقولت لا يمكن
هو أنا أهبل زي شريف
يسمع لأم حمادة وينزل
دا أكيد لاسع مخه خفيف
راحت حالفه وقالت اسمع
بعد ماوصلت لتخاريف
عيد الحب دا بكرا ولازم
نطلع بكرا ع المالديف
من صدمتي راح مغمى عليا
واتنصحت عملت كفيف
واهو من يومها عايش بستهبل
علشان اهرب م المصاريف
قام سجنتني بلفة بانجو
وقالت مجرم تاجر كيف
المزيد من المشاركات
