يا بحر … بقلم/ ماجدة البهيدي
يا بحر
بقلم / ماجدة البهيدي
*****************
يا بحر قلبي عليل
جيت أبكي وأشكيلك
إياك فاكرني يا بحر
جاية وهغنيلك
انا قلبي داب من الوجع
بطل يقول مواويل
وأزاي هغني يا بحر
وانا قلبي ينزف سيل
دمعي ملا بحورك
وعدا الألألف بالميل
يا بحر قلبي حزين
ومليان ع الاخر
تعب يشيل في أحمال
ومش لقية له أخر
أنا ذنبي أيه بس
غير إني حبيتهم
كنت الدوا ليهم
وقلبي كان بيتهم
وأقولك أيه تاني
عايزني أحكيلك
على القسوة الأحباب
بعد المحبة سنين
المزيد من المشاركات
قفلوه فى وشي الباب
وقالوا المحبة نصيب
وأدي أخرتها العذاب
من بعد شوق وحنين
قلوب زي الحجر
والأسم بنأدمين
الغدر من طبعهم
طب بس في شرع مين
أزرع جناين ورد
وأجني الدموع ع الخد
وقلبي يبقى حزين
عشان قلبي ماليه الطيبة
بقى معقول تكون عيبة
عجيبة والله دي الدنيا
بقيت فعلاً حاجة غريبة
لساك عايزني يا بحر
برضوا أغنيلك
نسيت خلاص الفرح
ومعدش إلا دموع
ده حتى ليلي إنطفى
ولا عنت لقياه شموع
صدقني كان نفسي
اقعد و أغنيلك
لكن لقيت نفسي
جاية أبكي وأحكيلك
