مرة لاحظته
فى نص الليل
بيوطي صوته
وقال يا جميل
قلبي ياناس كان قايد نار
وعاوزه اخلي ليله نهار
بس سكت وقولت لنفسي
اتقل حبه واعمله كمين
ماانا مش هفضل كاتمه ف نفسي
وانا مش عارفه كلم مين
قمت اوام وعملت ايميل
وبعت الآدد لسبع الليل
قبل الادد علطول وثواني
دخل الشات وقال نتعرف
قولتله عاشقه
كنت براقبك
قاللي برقه
طيب اسمك
ايه يا جميل
وبقينا نتكلم ع الشات
كل يوم بقا بالساعات
ويقولي هشوفك بقا امتي
او اقابلك ياست البنات
طب اوام الحلو العاشق
ليل ونهار ع الواتس أهو راشق
قاللي حبيبتي
مش هسمع صوتك
هاتي اوام رقم تليفونك
اديتهوله واتكلمنا
واغلب كلامى كان سكوت
مهو كان لسه الخط جديد
وخايفه يعرفني من الصوت
وطلب مني في يوم نتقابل
قولت وماله ياصغنتوت
وخلاص حددنا المكان
وجايلى بقا عم الولهان
واتفاجأ بيا انا قصاده
وفضل يخترف بالكلام
وفجأه اتمسمر كده فى مكانه
ونقلوه بسرعه ع المستشفي
قالوا يا حرام ده حصله جنان
