يا سوريا ليكِ المجد..للشاعر /أحمد النجار
يا سوريا ليكِ المجد
الشاعر أحمد إبراهيم النجار
مجلس أمم فاجر
والحق مش لينا
سوريا بتنزف أه
والدمع ف عنينا
ملعون يا صوت الظلم
حاصر أهلينا
زلزال وهدم وحزن
والصرخه دي فينا
مجلس أمم فاجر
والحق مش لينا
زلزل يا صوت الألم
سوري بجرح وألم
وأنا لسه بدفع تمن
ساكنه الجراح بينا
يا سوريا أه وأهين
والدمع ع الخدين
بلعن أنا الخاينين
باعوا فى حلمي سنين
حصروا أراضينا
مجلس أمم فاجر
والحق مش لينا
زلزل يا صوت زلزالي
وإرتد وأرجع تاني
مهدوم يا حلمي أنا
تايه يا عنواني
محبوسه خطاوينا
ملعون يا ألف حصار
مجلس أمم غدار
سرق الشروق ف نهار
عتّم ليالينا
ده حلم ولّلا كبوس
عُصبة أمم دي لصوص
كاتبين بنود ونصوص
حرقه أراضينا
مجلس أمم فاجر
والحق مش لينا
المزيد من المشاركات
فكوا الحصار عننا
حتى يعود حلمنا
من حقى أعيش
ف النور
طالت سنين الزور
صرخة وطن مكسور
مهدومه حواريها
يا جرح فيا إتمد
والدمعه صاحبة خد
طفل بيصرخ جوع
شب الحريق وأشتد
حارق هنا فينا
واخد الشوارع هَد
زلزال فى جسدي يهد
غول الحصار مفجوع
واكل هنا فينا
زلزل يا صوت زلزالي
وإرتد وأرجع تاني
مهدوم يا حلمي أنا
تايه يا عنواني
محبوسه خطاوينا
سوري بعيش الألم
مسجون فى أحزاني
وآه يا صوت الحق
جدار فى قلبي إتشق
مهدومه أركاني
مهدوده دي حيطاني
ميّت أنا فيها
صرخة ألم مكبوت
مهدوده ألف بيوت
خيّم فى صوت مخفوت
تحت الجدار أطفال
صرخه مابين الموت
والدمع ف عنيها
مات الضمير وارتاح
غاب النهار وأهو راح
ظلم بريحتهُ وفاح
مجلس أمم فاجر
والحق مش لينا
زلزل يا صوت الحق
يا سوريا ليكِ المجد
مهما الحصار إشتد
الله منجّينا
بكرة الشروق طالع
ظلم الأمم راحل
حق الولاد راجع
بكرة الأمل لينا
وربيع هيحينا
