وصفة البوريك اعداد شيف اكلات سومه
البوريك
اعداد شيف اكلات سومه
المقادير :
نص كيلو دقيق
كوب ذبادي
٣معالق كبيره لبن بودره
تلت كوب زيت
معلقه كبيره خميره بودر
معلقه كبيره سكر
معلقه كبيره بيكنج بودر
معلقه كبيره صلصه ((معجون طماطم))
معلقه كبيره خل
نص كوب مايه دافئه
نص كوب لبن حليب
ذره ملح
معلقه صغيره كركم
للوجه
معلقه صغيره عسل اسود ومعلقه كبيره ماء….او بيضه مضروبه
حبه البركه او سمسم
الحشوه
جبنه اسطانبولي وزتون
لانشون او سلامي وجبنه عجوه بلح امهات او بسطرمه اوشكلاته او فراخ متعصجه….جبنه موتزريلا وجبنه شيدر
الطريقه :
اول خطوه ندوب الخميره والسكرفي الميه الدافيه ونسيبها على جنب
في طبق غويط هننخل الدقيق والبيكنج بودر ورشة الملح والكركم
ننزل عليهم بالخميره المدوبه والخل والصلصه والزبادي واللبن ونعجنها كويس….هتتكون عجينه جميله وناعمه نغطيها بكيس وفوطه ونسيبها تخمر ساعه
نقطع العجينه تلت كور
ناخد كل كوره نفردها رقيق ونطبقها ظرف وكل طبقه نفرد بالنشابه لحد ما نطبقها ست طبقات عالاقل نكورها ونركنها ونعمل اللي بعدها…..هندا من اول كوره فردناها هنفردها جدا ونقطعها بكوبايه ونحشيها ونقفلها زي القطايف او اي شكل نحبه ونرصها في صاج او صنيه مدهون زيت. وندوب معلقه صغيره عسل اسود في معلقه كبيره ميه وبالفرشه. ندهن وش البوريك….وممكن نضرب بيضه برشة ملح وندهن وش البوريك ونرش عليه السمسم او حبة البركه
بعد مانخلص كل الكميه نسوي اول صاج رصيناه ويدخل الفرن
