“زين ما اختار قلبي ” الرواية الاولي بمعرض الكتاب 2020 للكاتبة اسماء محي

انهت اسماء محي الطالبة بكلية الحقوق صاحبة العشرين عاما ، كتابة روايتها الاولي ” زين ما اختار قلبي ” ، والتي ستصبح بين يد القراء خلال ايام قليله عندما يبدأ معرض القاهرة الدولي للكتاب فعالاياته يوم 22 يناير 2020 دورته الجديدة ، وهو من اهم المحافل الثقافية داخل مصر والذي يعقد كل عام ليكون ملتقي ثقافي كبير لابناء الشعب المصري والعربي  ودول العالم جميعا.

تقول ” اسماء محي” من خمس سنين فاتوا كنت بدأت كتابه بجد، وبقا عندي إيمان وثقه في كل حرف قلمي بيكتبه، مريت بتجارب كتير كانت قادرة تهدني، لكن ربنا كان عايزلي الخير دايما ،عشان كده كل مره كنت بقع كان ربنا بيساعدني ويخليني اقف من جديد تاني علي رجلي ، وارجع أقوي من الأول كان حلم حياتي من زمان يكون لي روايات بإسمي مش روايه ولا اتنين لا روايات لا حصر لها . فاكره من تلات سنين زي دلوقتي كل لحظه مرت عليا ، وكل كلمة وجعتني بس قوتني كل حد كان بيقولي مش هتوصلي وكل حد اتريق عليا لما كنت برفض أروح المعرض وأحضر حفلات التوقيع كنت دايما اقولهم انا هدخل المعرض لأول مره في حياتي وأنا بوقع اول روايه ليا ، وكالعادة ربنا حقق حلمي ومخذلنيش وكلها أيام وروايتي هتنور المعرض،  الروايه دي هي خلاصة كل السنين اللي فاتت بحلوها ومرها ووجعها الروايه دي مش مجرد سطور علي ورق ، دي طموحي وهدفي وشغفي اللي مقلش لثانيه واحده  في “زين ما أختار قلبي ” هتلاقوا الخير والشر هتلاقوا اهدافكم وطموحكم وحلمكم اللي بيتحققوا، هتلاقوا كل الحب هتلاقوا جبر ربنا لقلوبكم بعد كل المر اللي مرت بيه هتعرفوا وقتها اد اي ربنا بيحبنا وبيراضي قلوبنا في الآخر ..في نهاية “زين ما أختار قلبي ” .. ستجبرون