كنافه بالقشطه او الكريمه الكدابه مقدمه من مطبخ اكلات مني صالح

كتبت سمسمه سعد

كنافه بالقشطه او الكريمه الكدابه مقدمه من مطبخ  اكلات مني

مده التحضير ربع ساعة

مده الطهي نصف ساعة

المكونات

كنافه

لتر لبن حليب

سمن

زيت ذره

 علبه قشطه حمضيه

٤معالق كبار نشا

معلقتين كريم شانتي

الطريقه
نحضر كنافه طويله وتكون طازه اقسها على الصاج المستطيل اللي عندي واقصها بالمقص واجهزها
وهنا انا عملت صنيه ٣٠ في ٤٠ خدت مني حوالي ٧٠٠جرام كنافه
اجهز اولا الكريمه كيلو لبن حليب ارفعه علي النار يغلي واجهز ٤معالق كبار نشا مدوبين في نص كوب مياه واللبن  الحليب  بيغليانزل بيهم مع التقليب واضيف عليهم علبه قشطه حمضيه مع معلقتين كريم شانتي مذاب في مياه والفانيليا يغلوا غلوتين ويترك يبردوا تماما
ادهن الصينيه سمنه عاديه مش سايحه معلقه كبيره واوزعها كويس وابتدي افرد الكنافه رقات بالطول واحاول افكك التشابك اللي فيها وافرد واضغط عليها بصينيه أصغر بيكون ارتفاعها حوالي نص سم واحط الكريمه وبلاش عند الأطراف لأنها كده هاتلزق ومش هاتتقلب كويس مني
وارجع افرد الجزء اللي عليةالوش بضغط علي  الخفيف علشان الكريمه ماتخرجش من الاجناب
واجهز ٣معالق كبار سمنه واسيحهم وبضيف معاهم حوالي فنجان زيت دره واخدهم بفرشه وارش علي الوش كله بالاجناب كويس وتدخل فرن ١٧٠ لحد ماتتحمر كويس
تتسقي شربات بارد وتقيل… بسقي من علي الوش واقلبها واسقي من الضهر كويس ولو حبها تكون طريه غطيها وسبيها شويه
٣كوب سكر على ٢ميه وكوب عسل جلوكوز يغلي مع بعض وانزل عليهم بعصره ليمونه  ٥ دقايق بعد الليمون واطفي

والف هنا

رئيس قسم المطبخ أ سمسمه سعد

وأ بطوط احمد