طاجن الرز المعمر مقدمه من شيف سماح عطية
كتبت سمسمه سعد
طاجن الرز المعمر وصنية البطاطس مع دبابيس الدجاج المشوية
اولا طاجن الرز المعمر ولانة في ناس كتير مش بيظبط معاها انا هخليكي تعملي اجمل واطعم رز معمر والطعم وهمي اكييد
المقادير
٤ كوب رز مغسول مش منقوع
٤ كوب لبن كامل الدسم من عند اللبنان يعني غير
مبسطر
كوب زبادي
معلقتين سمن بلدي كبار
معلقة زيت لانها بتدي لمعة للرز
معلقة ملح كبيرة
معلقة سكر صغيرة
الطريقة
في طاجن هننزل بالرز وعلية اللبن حليب الساخن والملح والسكر ونقلب كويس ثم نضيف السمن والزيت ونقلب واخر حاجة كوب الزبادي المتقلب كويس ننزل بية علي الرز ونقلب كل المكونات مع بعض ونغطي الرز لمدة نصف ساعة وبعد نصف ساعة نولع الشواية علشان نعمل وش الرز وبعد كدة نطفي الشواية ونولع الفرن العادي علي درجة حرارة عالية لمدة ١٠ دقائق وبعد كدة علي ١٨٠ حوالي تلت ساعة وبالف هنا علي قلوبكم
اما صنية البطاطس
كيلو بطاطس متقطعة شرائح
نصف كيلو طماطم متقطعة جوانح
بصلة متوسطة متقطعة او ذي ماتحبي
فلفل الوان
ملح
معلقة فلفل اسود صغيرة
معلقة صغيرة بهارات الفراخ
معلقة سكر صغيرة
معلقة سمن كبيرة
زيت للقلي
الطريقة نقلي شرائح البطاطس لحد مااحصل علي اللون الذهبي الفاتح وفايدة القلي انها بتحافظ علي ان البطاطس ماتتهريش وبتدي طعم اجمل بكتير من البطاطس النية
بعد كدة في صنية بنزل بالبصل واضيف الملح والفلفل والبهارات والسكر واقلب ثم اضيف الطماطم والفلفل واقلب واخر حاجة شرائح البطاطس واقلب براحة واضيف السمن ٢ وكوب من الشوربة سواء شوربة لحمة او فراخ وادخلها الفرن نصف ساعة
اما الدبابيس المشوية
كيلو دبابيس
مية بصلة مفرومة المية فقط
معلقة صوص الشواء
ملح
نصف معلقة فلفل اسود
نصف معلقة بهارات الفراخ
معلقة صويا صوص
معلقة زيت زيتون
معلقة عصير ليمون
معلقة صغيرة مستردة
معلقة زبادي
معلقة ببريكا مدخنة
رشة زعتر بنقلب كل المكونات مع بعض وننزل بيها علي الدبابيس وندخلها التلاجة ساعة وبعد كدة بنولع فحم ونضعها في نصف الصنية وننزل عليها بمعلقة زيت ونغطيها ١٠ دقائق بعد كدة نشيل الفحم
ودخلها الفرن نصف ساعة علي درجة حرارة ١٨٠
المزيد من المشاركات