القراقيش البيتي مقدمه من مطبخ اكلات مني صالح
كتبت سمسمه سعد
القراقيش البيتي الهشه جدا ومقرمش جدا وطعم جميل جدا
المكونات
2كيلو دقيق
كيلو سمن
نصف كوب زيت
عجوه
كوب سمسم محمص
ومعلقه صغيره كيك شيف
المزيد من المشاركات
ومعلقتين سكر
كيلو حليب
معلقه صغيره خميره
2كيس فانيليا
الطريقه
٢ كيلو دقيق
اولا اجهز العجوه بتاعتي…. كان موجود عندي تمر طري من رمضان فصصته وحطيته في مصفاه والمصفاه جوه حله فيها كوب ميه بيغلي وتكون المياه مش ملامسه المصفاه واغطي المصفاه كويس جدا واسيبها على نار هاديه ربع ساعه هاتلاقي التمر طري جدا خديه واهرسيه بكوب ومعاها شويه زيت وسمسم وبعدها صبعيها بالحجم اللي تحبيه
العجينه
٢كيلو دقيق…… انا هنا مستعمله ٥نجوم زرقا
وعليه كوب سمسم محمص ومعلقه صغيره كيك شيف….. ورقتين فانيليا كل ده يتقلب على بعض
اقدح كيلو من السمنه وكمان في قلايه تانيه عاوزه نص كوب من الزيت السخن
انزل بالسمنه المقدوحه وابتدي ابس في الدقيق بالسمنه كويس لحد ماتنعم معايا وبعدها انزل بالزيت وابس تاني كويس جدا بتكون عجينه شبه بتاع الكحك
اجهز كيلو لبن دافي اخد منه كوب وادوب فيها معلقه صغيره من الخميره ومعلقتين سكر وزره ملح وانزل علي العجينه وافتح فيها كويس بأيدي وبعدها ادوب في اللبن نص كوب سكر وانزل بيه واحده واحده واشرب العجينه اللبن لحد ماتكون طريه معايا لكن ماتكونش طريه زياده عن اللزوم وسايحه منك واسيبها ترتاح واغطيها بمفرش بلاستيك ربع ساعه
وبعد ماترتاح أشكلها ونرص في صاج