ابنة موسيقار كبير تدافع عن “محمد رمضان” وتهاجم منتقديه والطيار المفصول .. مفاجأة غير متوقعه؟

في مفاجأة غريبة وغير متوقعه فوجئ بها جمهور والدها الموسيقار الكبير الراحل وتختلف شكلا ومضمونا مع ارائها السابقة ،

بل واراء والدها ونشأتها وسط كوكبة من نجوم زمن الفن الجميل قامت د. سحر نوح ابنة الموسيقار الكبير الراحل محمد نوح صاحب التاريخ الفني المشرف بالدفاع بشكل غريب ،

عن الفنان محمد رمضان سواء في ازمة الطيار الشهيرة اوفيما يقدم من اعمال فنية سواء افلام اواغنيات يرفضها كل عشاق الفن الهادف النبيل.

فقد فاجئتنا الجميع بالكتابة عبر صفحتها الخاصة بالنص :

 

أنا مش متعاطفه مع الطيار أشرف أبواليسر ولا عاجبني موقفه ولفه علي القنوات وتحويل نفسه لشهيد #محمد_رمضان وده مالوش علاقه برآئيي

في محمد رمضان أو تقيمي ليه ده له علاقه بإحترام مهنة الطيار وقواعد وقوانين الطيران وله علاقه كمان بهيبة الطيار .وقيمته ووضعه ..والفعل وقبوله ان

رمضان يقعد ويتصور حصل سواء شافه شخص او شافه مليون الفعل والقبول من الاول خطأ فا المشكله

مش ان الفيديو انتشر المشكله ان ده حدث بالفعل والطيار قبل ان ده يحصل بالفعل والحقيقه أنا مش فاهمه هو عاوز محمد رمضان يعمله ايه ؟؟ يعتذر؟؟

والا يعوضه ؟؟والا يشوفله شغل؟؟ والا يترجي الوزير؟؟ والا يعمل إيه بالظبط وليه سايب نفسه لشوية برامج تستضيفه علشان ياخدوا بتارهم

ويتشفوا من محمد رمضان وماصدقوا يلاقوا موضوع … محمد رمضان فنان مجتهد قدم حاجات لكن ما اجبرش الناس تقطع تذاكر وتنزل تشوفها

ولما بيعمل حفلات مابياخدش الناس تقطع تذاكر تحت تهديد السلاح ده عرض وطلب والفن يعرض ولا

يفرض هو بيقدم نوع من الفن يعجب حضرتك اتفرج عليه مايعجبكش ماتروحش وقاطعه ساعاتها هو حايغير مساره انما هو بينجح وبيلاقي قبول ونسب

مشاهده عاليه تفتكروا اي حد مكانه حايتراجع ويقول انا حاقدم فن هادف ؟؟؟ ولما حضراتكوا شايفين فنانين بيقدموا فن هادف مابتشمعهومش ليه

ومابتروحوش افلامهم ليه وفين هما من الاعلام والبرامج والمسلسلات والافلام .. وبلاش والنبي

تقولوا هو بيفرض ده علينا لانه مابيدخلش بيوتنا غصب عننا احنا الي بنقرر نشوف اعماله ونزود

نسبة المشاهده والبرامج كلها بتتهافت عليه بالرغم من اجره العالي بلاش تحملوا محمد رمضان ،

او غيره مسئولية إفساد الذوق العام العيب فينا احنا مش في اي فنان المشاهد هو الي بيختار يشوف ، او يسمع مين و فيه دور مهم للاعلام والاعلاميين استضيفوا فنانين موهوبين وبيقدموا شئ انتوا

شايفينه راقي والمنتجين اختاروا مواضيع قيمه انتجوها وقدموا اعمال راقيه فناً وفكراً ولو انتوا شايفين ان ده زمن حمو بيكا يبقي العيب فينا احنا

الي بنسمعه هو مابيجيش بيتنا يغنيلنا بالغصب والنقابه عملت الي عليها ومادتلوش عضويه لكنه لسه مطلوب ولسه بيغني يبقي العيب في مين ؟؟؟؟؟

ولو محمد رمضان نزل فيديوا وماعجبناش بنتابعه ليه ؟؟ احنا عاملين زي الي جايب دش وسايب كل القنوات المفيده ومابيشوفهاش وقاعد بس يتفرج و

يشتم ويلعن في القنوات الاباحيه مع انه ممكن يشيلها من عنده خالص ويتفرج علي حاجات تانيه مهمه وراقيه ومفيده ..

الفن زي البوفيه المفتوح واحنا الي بنختار ناكل ايه .. ولو احنا محاطين بالقبح وزعلانين تعالوا كل واحد فينا يبتدي بنفسه ويرفض

ويتجاهل كل ماهو قبيح شكلاً وموضوعاً وساعتها حانتصالح مع الجمال وحايتلاشي القبح.
اراء المتابعين
وتوالت ردود الافعال علي ماكتبته مابين مؤيدين لها ومقتنعين بوجهة نظرها ومعترضين ومتحفظين ونحن من جانبنا نضع علامة استفهام كبيرة للغاية؟