احمد الشريف يكتب ” شيزوفوبيا “

احمد الشريف يكتب

” شيزوفوبيا “

محتاج اقول اني
مش بشكي ولكني
مخنوق من الخنقه وعايزها مره تروح
طعم الفرح بيبوخ
قلبي كتاب مفتوح وعايز القاري
واديها اشعاري مش حاسه باللي انا فيه
يا خلق حنو عليه
ادوله فرصه يبوح
والجرح مش هيطيب
لو كنا بنسيبه كده للهوي مفتوح
ولا حتي اي مضاد هيشفي جرح الامس
لو صاحبه من جهله قد اشبعه باللمس
انسي اللي كان ماضي سيب الحياه تمشي
الم الحياه هيدور ويلف ع الفاضي
لو كنت من جواك مبسوط كده وراضي
عن خوفنا م العلاقات
وزعلنا ع الماضي
وعشمنا ف الحاضر
واملنا ف اللي جي
زي اللي شاف الضي
وفجاه بانله ظلام
ماشي ورا الاحلام
ومخفش م الكوابيس
واللي افتكر تاني جرحه اللي صاب قلبه
نزلت دموع ع الخد
وظن هان الود
لكن اللي ود يود انه يكون منا
يشاركنا احزانا يقاسمنا ف مكانا
يكون لينا الجنه بكل تفاصيلها
وبكل اركانها وبكل مافيها
طب في ايه بعديها
وايه يجرحنا .. يارب فرحنا
يارب نجينا .. لو كله ساب ايدنا
انت الاكيد لينا .. انت اللي حامينا
مش فارقه اوجاعنا
والله من دونك الكون مهيساعنا
مش فارقه مين ساب مين
مش هامه الدنيا
زي الشيزوفرنا والفوبيا والوسواس
بتكون مابين الناس لكن ف نفسك كون
عاقل كده ومجنون .. المكس ف الحاله
بتابع الاحداث كده من بعيد لبعيد
بتكون سعات طيب وسعات بتبقي عنيد
والراحه مش بالإيد ..
والله ولا بالمال الراحه راحة البال
وعلي العموم ف الاصل
الفكره فكره وصل وصل القلوب بيبر
والخير تضاد الشر والشر مش مرغوب
الرب رب قلوب والخير اكيد دايم
مش عايز ابقي يتيم
واعيش بقلب ضرير
والقلب من غير حب والله يبقي فقير
والحب بالتقدير
محتاج اعيش ليا محتاج اعيش بيا
محتاج لحد يكون فاهمني وانا فاهمه
مقولش انا جنبك واكون انا واهمه
وافرح وانا وياه
محتاج لبس حياه
انا بس طلبي حياه اعشها من غير غلب
محتاج ل قلب يكون بصراحه من غير قلب