خليه نحل حلوه وحادقه بحشوه الجبنه مقدمه من مطبخ اكلات مني صالح

كتبت سمسمه سعد

خليه نحل حلوه وحادقه بحشوه الجبنه

 مقدمه من مطبخ اكلات مني صالح
المكونات
نجهز الأول الخميره معلقه كبيره مع نص كوب لبن حليب دافي ومعلقه سكر مع ٣معالق كبار دقيق واخلطهم كويس
١كيلو دقيق
نصف كوب سمنه مع زيت
٢بيضه
٢معلقه كبار مايونيز
علبه زبادي
فانيليا
معلقه بيكنج بودر كبيره او كيك شيف
كوب لبن دافي مضاف عليه معلقتين سكر
……..
نعجن كل المكونات على بعض ماعدا اللبن وانزل بالخميره الجاهزه معايا وخمرت وانزل باللبن حليب لحد ماالعجينه تلم معانا واعجن فيها لحد ماتكون ناعمه وطريقه ومابتلزقش
………….
بجهز الحشو لو حلو
مكعبات جبنه كيري او نستو بريزيدن او اي نوع كريمي تحبوه ودي بحشها بيها كرات خليه النحل وارصها جنب بعض واسيب بينهم حوالي نصف سم ما ونرص جنب بعض علشان هاتخمر وترتفع معانا تخمر كويس
………..
بدهن والوجه بي صفار بيضا مع معلقه لبن مع معلقه صغيره نسكافيه
بعد ماادهنها برش عليهم سمسم وحبه البركه.
……
ولو حادق…. هاجهز ميكس جبن مشكل رومي على فيتا على كريمي على شيدر واضيف عليهم فلفل الوان مكعبات وده لحشو الحادق
……
وممكن الحشوات تختلف فراخ او لحمه معصجه
……..
في طريقه حلوة للتخمير
بحط ميه مغليه في صينيه على الصاجه اللي فوق الشعله واحط صواني المعجنات فوق الشبكه في الوسط واسيبههم هايخمروا ويعلو ويكون هش جدا معانا والبخار بيدي طراوه للعجينه جدا…..
بيخمر وندهن الوش ونرش السمسم وحبه البركه ونشغل الفرن على ٢٠٠ وتدخل الشبكه في الوسط بتاخد حوالي نص ساعه النضج

والف هنا

رئيس قسم المطبخ أ سمسمه سعد