من روح العمة يامنه للخال

حتى … انت كمان …. ياعبد الرحمان جاك الموت وانا من بابي معايزش يقرب ولاحتى يفوت

زي مايكون مخاصمني او غضبان صدق من قال عليه غدار اتمنيت ياوليدي لو تتهد فوق راسي الدار سقف قبل حيطان

ولا اني اشوف نعشك وجنازتك ف التلفزيون والنعي بصورتك ف الجرنان ده انا كنت لسه بحسب ف الايام

واستنى اجازتك واقول ياترى فاضل كام كيف الصايم اللي بيحلم بالمدفع يضرب ف نهار رمضان

وفـ لحظه ياوليدي صبحت كل حياتي سكوت من بعد زعيقك الل كان زي صوووت القطر لما يصفر من فوق القضبان

فاكر ياعبدالرحمان لما كنت دايماً بتقولي ان حياتك كلها احزان والضحكة فيها زي نقطة ف أخر السطر

فاكرك بتقول نكتة اتاريك كنت ياواد غلبان لما تغيب او تتأخر عني شوي ترجع وتقولي حقك ياعمه علي من ساسي لراسي

انا غلطان خلاص ياعبدالرحمان اديك روحت وماسبتش من ريحتك غير قلمك زي مابوك من قبلك ساب من ريحته جبة وقفطان اول مره اشوفك فيها ياواد فرحان مع السلامه مع السلامه ياعبدالرحمان.

الشاعر/ رمضان فراج