كتبت سمسمه سعد
عصير برتقال
مقدم من مطبخ اكلات مني صالح
عصير برتقال مركز بالجزر وماء الورد وقشر البرتقال بيدي طعم يجنن مين عاوز الطريقه احلى فيتامينات الاولاد والكبار محتجنها في الوقت ده لتقويه المناعه
.
انا بحتاج لكل ٥كيلو برتقال كيلو جزر مقشر ومتقطع دواير وباخد القشره الخفيفه بتاع ٥ وحدات برتقال كبار بدون القشره البيضاء خالص لأنها بتمرر العصير واضيف معاهم نص كيلو سكر والسكر حسب رغبتكم وكوب كبيره مياه اعصر نصف ليمونه عليهم وارفعه علي النار يستوي كويس
اسيبوا يبرد ويكون يادوب دافي واحط كميه منه في الخلاط وازود مياه من الموجوده فيه مع كوب برتقال ومعلقه ماء ورد كبيره ورشة فانيليا واضربهم كويس جدا وارجع اصفهم بمصفاه ضيقه
واضيف كل ده علي البرتقال اللي عصرته وصفيته من البذر كويس
انا بحب أخزن كميه كبيره لشهر رمضان وطول الصيف
وممكن اللي حابب يشيل البرتقال معصور ومتصفي وكمان الجزر يتحط في أكياس وادخلهم الفريزر ووقت الاستخدام بطلعهم يادوب يفكوا واضربهم كويس في الخلاط
حسب رغبتكم والاسهل ليكم
……
انا خزنته كده للاستعمال على طول وبحب سكره خفيف جدا ويادوب يفك ممكن اضربه خفيفه في الخلاط وبزودوا ميه لحد مايظبط معايا لانه تقيل جدا وطعمه مركز
وكل سنه وانتم طيبين
والف هنا
المزيد من المشاركات
رئيس قسم المطبخ أ سمسمه سعد
وأ بطوط احمد