مدي الخطاوي يا بلدنا… بقلم الدكتور عاطف جودة
المزيد من المشاركات
مدي الخطاوي يا بلدنا… بقلم الدكتور عاطف جودة
مدى الخطاوى يابلدنا
واسبقى
على الغناوى يابلدنا
واعشقى
الكلمه نور
والصمت سور
والفجر طالع يكتبك
فوق السطور
كلمه عبور
واحنا النسور
نعبر جسور
حالفين نعيد الشمس
لجبين النهار
نفرش عمار
ترجع معانى البهجه
ف عيون الصغار
يبقوا كبار
يكبر معاهم حلمهم
يسقط جدار
واحنا وراهم نبتدى
نفس المسار
والظلم عار
نزرع غيطان الحب
ف عيون الزمان
تطرح امان
ياخدك يامصر ياحره
لسنين الامان
واحنا كمان
تحت الليالى
ننتظر فجرك
يبان
تحت الليالى
ننتظر فجرك يبان
