هاني البحيري يفتح جعبته ويحكي عن حياته منذ نعومة أظافره وكيف وصل للعالمية

إعداد وحوار / دعاء نصر .. دعاء سنبل

 

هاني البحيري مصمم أزياء مصري عالمي من طراز خاص له لمسته المتميزة في عالم الأزياء الفاخرة ، تصمميه لأي قطعة من القماش يجعل منها لوحة فنية رائعة ممزوجة مابين الفن والجمال والإبداع ، فن التصميم هو عشقه منذ نعومة أظافره ،

جذبه عالم الأزياء والفاشون ، الذي خاض به للتعرف والغوص في بحور أسراره ، فهو حقا نموذج مثالي مشرف لبلده ، وعالمي في تصميماته .

هو خريج كلية الفنون الجميلة قسم الدراسات الحرة ، في نفس الوقت التحق بالمركز الثقافي البريطاني لدراسة اللغة الإنجليزية، وركز على تصميم ازياء المناسبات والسهرة،

حيث يستخدم بشكل خاص الأقمشة التي تتنوع بين خامات الحرير الطبيعي، والساتان، والتول ، والدانتيل الفرنسي، الذي يضاف إليه عنصر التطريز المناسب للون القماش وتصميم الموديل. ويؤكد هاني البحيري أنه من عشاق التطريز في فساتين السهرة والزفاف.

شارك في مهرجان حوض البحر المتوسط نابولي حيث تسلم جائزة أفضل مصمم أزياء هوت كوتور بالشرق الاوسط من عمدة نابولي وميس انتركونتينينتال 2006 .- شارك في مهرجان أسبوع الموضة بإيطاليا الذي شارك فيه: شانيل فالنتينو- سكادا

وحصل على جائزة أفضل مصمم أزياء هوت كوتور بالشرق الاوسط.

حاصل على جائزة نابولي بإيطاليا وتم تكريمه من عمدة روما فركان نابولي (الحجر الصخري) لعام 2006

وحاصل على جائزة أسبوع الموضة الدولي بروما 2006 وتم تكريمه من وزارة الثقافة الايطالية والفنون الجميلة وعمدة روما، شارك بمهرجان

الموضة الايطالي 2007 ،حصل على جائزة أفضل مصمم أزياء هوت كوتور بالشرق الاوسط في ابداعه يتسلما جائزة الطبق البلاتيني من جمعية الفنون الجميلة بوزارة الثقافة الإيطالية.

ما هي الأجواء الخاصة والطقوس اللي بتداوم عليها في شهر رمضان الكريم؟

هو بصي صراحة انا اول مرة اقولها في حياتي ، انا عمري ما قولت الكلام ده لحد ، احنا بقالنا ٢٣ او ٢٤ سنة عمري ما قضيت اول رمضان في مصر ،

كنا دايما ليلة رمضان نكون في المدينة المنورة انا و والدتي ربنا يديها العمر والصحة وخالي الله يرحمه وطبعا كان اخواتي ، مؤخرًا بقيت اروح انا ووالدتي والمساعدين بتوعها بس طبعا السنة دي للاسف مفيش عمرة ،

بس احنا بقي لنا فوق الحاجة وعشرين سنة كنا دايما قبل رمضان بيوم بنكون في المدينة المنورة لمدة ٤ أيام او خمسة و برضه زيهم ٥ او ٦ أيام في مكة المكرمة وكنا نيجي مثلا ١٠ رمضان ، ١١ رمضان .

أعتدت أن أختم القرآن في المدينة المنورة ومكة مرة بمصر مرة أخرى

 

دي كانت الطقوس الأولية بتاعة شهر رمضان وكنت بنتهم فرصة ان انا الحمدلله الصلوات والصيام ،  واقرا قران كتير الحمدلله يعني ربنا برضه من علينا الحمدلله بكرم كبير اوي الحمدلله رب العالمين

فكنت ببقي ختمت هناك مرة و بعد كده بجي اختم هنا مرة تانية ، ده بالنسبة لرمضان ، طبعا مع الشغل بقي ونظام الشغل ببقى هارد اكتر واكتف اكتر أثناء الصيام ، يعني ممكن أشتغل وأنا صائم أكتر بيبقي صعب عليا أكتر اشتغل وأمارس شغل وأمارس الإدارة على الموظفين والإدارة على أن آخد بالي من كل التفاصيل الكبيرة والصغيرة بعد الفطار ،

فكنت بخلي المقابلات بعد الفطار والتشغيل ان انا اعمل تشيك اب انا اعمل فول أب مع كل موظف الرسم والتطريزات والخياطة والبترونات أثناء النهار وبعد كده بيبقي في بريك قبل الفطار بساعة ، ببقي طبعا زي اي بيت طبعا يستعد للفطار وكده وبعدها بعد الفطار ساعة كمان راحة بصلي المغرب بس بيبقي راحة شوية ،

وبعمل مقابلات بعد الافطار مقابلة الكلاينس والنَّاس اللي ليها بروفات او ناس جديدة وكده ، ده طقوس شهر رمضان والنَّاس كلها كانت بتبقي مشدودة عشان الفطار وتجري والصيام ، الناس فاكرة ان حقهم ياخدوا اجازة .

أنا بشوف ان رمضان ده فرصة الناس تبدع وتشتغل اكتر مع الصيام دي حاجة جميلة جدا …

 

انا بشوف ان رمضان ده فرصة الناس تبدع وتشتغل اكتر مع الصيام دي حاجة جميلة جدا ، بس احنا للاسف الشديد في بلدنا الناس فاهمة حاجات بعض الأشياء وخداها غلط ، أو ثقافة الشعب انا صايم انام ،

او صايم ماليش شغل وان انا هيبقي مجهودي أقل مع ان مطلوب مننا اكتر ، مطلوب مننا انتاج اكتر ، مطلوب مننا مصروف اكتر فانت لازم تشتغل اكتر علشان بيتك محتاج بعد كده داخل علي مناسبة عيد فطر فمطلوب منك طلبات

بكثافة فا للاسف الشديد بيكون عندنا معاناة في رمضان مع العمالة ومع كل المحيطين بيكي بس انا بحاول مجتهد جدا و بحاول ان انا بستعد ده سيزون أفراح بعد العيد ،

سيزون بيبقي دايما عندي مناسبة الفاشلون شوز اللي في أوروبا بتبقي بعد العيد مثلا اخر رمضان خالص يادوبك اول يوم العيد بيجي عليا في مصر أقوم مسافر علي طول علشان اسبوع الموضة الفرنسي طبعا بكلمك علي ما قبل السنة دي علي ما قبل السيزون ده ،

طبعا الموسم ده ظروفنا الحمد لله رب العالمين بنحمد ربنا علي الستر والصحة بس طبعا ده بالنسبة لرمضان علشان يبقي انتي كده عندك فكرة ملخصة

أنتظرونا وسلسلة حوار مع مصمم الأزياء العالمي هاني البحيري