صوابع زينب مقدمه من مطبخ اكلات مني صالح
كتبت سمسمه سعد
صوابع زينب
مقدمه من مطبخ اكلات مني صالح
المكونات
الكميه دي عملت معايا حوالي ٢كيلو ونص يعني موفر جدا وتكاليف بسيطه لاتتعدي ٢٥جنيه بالزيت والسكر
اجهز الشربات الأول
كيلو سكر عليه نص لتر ميه نحطها براحه مش عاوزين احراف الحله يكون فيها سكر خالص
ولو متاح عسل جلوكوز ننزل بنص كيلو ولو مش متاح خلاص مش مهم يغلو ويبقى السكر داب تماما انزل بشعره ملح ليمون او نص عصره ليمون خمس دقايق غليان واطفي النار وهاستعمله بارد لصوابع زينب
مقادير صوابع زينب
٢كوب دقيق عليهم كوب سميد ومعلقتين صغيرين سكر ومعلقه صغيره ممسوحه خميره ورشه فانيليا و٣معالق سمنه كبارعليهم ٣معالق زيت كبار وماء دافي للعجن حوالي كوب الا ربع لكوب حسب احتياجنا
اسخن السمنه عالزيت وانزل بيهم على كل الخامات معانا مع الخميره وابثهم كويس جدا هايكون زيي الرمل المبلول وانزل بالميه الدافيه والم العجين وبيكون مش بيلزق معانا
خمس دقايق يرتاح واخد قطعه اعملها رول طويل واقطعه قطع صغيره على اد حجم الصوابع ناخدها ونحطها على ناحيه المباشره او مصفاه بلاستيك او اي بصامه تعجبكم ونضغط عليها بصوبعنا ونلفها وده موضح في الصور انا بقسم العجينه نصها اشكله واقليها وانزلها في الشربات نص دقيقه واقلبها وبعدين اشلها…. ونص العجينه الباقيه بدخلها الفريزر ولما اخلص النص الأول قللي ابتدي أشكل النص التاني وده سبب انها ماتخمرش معايا زياده وكمان ماتفتحش مني لاني بقالي اول بأول
والف هنا