لو عاد بيا الزمان بقلم : غرام نعيم
لو عاد بيا الزمان ل غرام نعيم
لو عاد بيا الزمان
كنت أختار كده كام أمنية
لو تتحقق أبقى سعيدة وابقى هنية
كنت حأعيش في حياه مثالية
لو عاد بيا الزمان
كنت أختار إني أكون طير
وأنعم بس بالحرية
كنت أعيش كما العصفور
وعشي يكون عالنيل عالبحر أو عالبوسفور
تبقى كل بلاد الدنيا بلادي
زي ماكانت كده لأجدادي
لو عاد بيا الزمان
كنت أتمنى إن أبقى سلاح
كنت أحارب كل فساد
ولا أرضاش بظلم لحد ولا استبداد
ولا أسلمش غير للحق
يوم ما ألاقي الدنيا أمان
ويرجع تاني أي مهاجر أو
كده لاجيء للأوطان
المزيد من المشاركات
لو عاد بيا الزمان
كان من الممكن أبقى مجرد بسمة
بسمة تفرح كل الناس
كنت ماحاسمح يوم للدمعة
انها تملا عيون إنسان
كنت راح الغي أي شعور
يملا حياتنا حزن أو حرمان
لو عاد بيا الزمان
كنت أتمنى أفضل طفل صغير
كله براءة محبة شقاوة
لا يعرف غدر ولا نكران
عايش يعني كده إنسان
من غير كذب ومن غير غش
مش بيغير كده ميت وش
لو عاد بيا الزمان
كنت أكيد حأختار الكلمة
حاجة بسيطة بس مهمة
طيب الكلمة يعدل صدقة
وهي أساس كل العلاقات
ممكن تجرح وممكن تفرح
ممكن تحيي وممكن تقتل
هي ملخص كل مشاعرك
وهي حصيلة التربية
وهي أكيد النار والجنة
غرام
