هاني البحيري مصمم الأزياء المصري العالمي وحوار صريح جدا من القلب حصري

إعداد وحوار .. دعاء نصر .. دعاء سنبل

هاني البحيري مصمم الأزياء العالمي ، الرجل الطموح الذي لا يضع سقف لطموحاته ، صاحب آلاف الأفكار والتصميمات الجديدة والغريبة والمميزة ، أحدث طفرة في عالم الموضة والأزياء ، ولكنه لم ينسى أنه رجل شرقي ، وأحترم جسد المرأة وأهتم بعدم خدش حياء كل محبينه ومتابعينه وكل من يقتني أزيائه

أتمنى تصريح حصري لجريدة عالم النجوم من هاني البحيري محدش يعرفه خالص يكون خاص بينا أحنا بس

في حاجة مطلوبة مني امبارح وانهاردة من الأستاذة هبة السويدي هي عاملة حاجة مهمة جدا كفالات معينة وكده وهما يطرحونها انها هتكون حجر صحي ومستشفيات للحجر الصحي فانا بالتعاون معايا ومع كتير من مصممي الازياء بس انا كلمتني شخصيا ومعانا الاستاذة مايسة عزب الاستيلز واختها سحر عزب. بإني هشغل جزئية في الاتيليه علشان العمالة اليومية متروحش و متقعدش في البيت هنعمل كڤورليه والكفرات وملايات للوش وكفرات للسراير للخير وربنا يقدرنا إن شاء الله

في سؤال كنت متوقع اني اسالهولك و أنا مسألتهوش ؟

مش عارف افكر دائما ان اللي بيعمله إنترڤيو مع مصممي الأزياء وسألوهم عن الموضة العالمية وطبعا دي مهمة ، وطبعا احنا عندنا حظر تجوال في العالم كله فلا وقت للموضة ومفيش مانع انك تحضري نفسك مفيش مانع انك تكوني ستاند باي مفيش مانع ان الواحد يكون شغال على نفسه .

وممكن تحطي تحفة جميلة جدا بس ممكن مع التراب أو العرق في الجو بره تأكسد ويبقى شكلها مش حلو او يجي عليها جزئية من الهواء الخارجي يطمس معالمها ، فانا لازم كل شوية تلميعها فلازم الواحد طول الوقت يشتغل على نفسه .

والمرة الجاية ان شاء الله نبقي نعمل أنترڤيو اللي هو ما قبل فتح الشو علشان الناس ممكن تشوف عرض ازياء حلو قوي ، وناس قاعد تتفرج وتسقف ومزيكا حلوه ومودلز حلوين ومزيكا. والشعر حلو والفساتين حلوة والجو الله الله في عرض أزياء ، بس ما قبل عرض الأزياء هو الأصعب بكتير بكتير بكتير التحضير والتفكير في الموضة .

وراء مصمم الازياء فيه عقل فيه فكر انت إزاي تطلع كولكشن بالكم دا بتعمل ايه بتجمع قماش إيه مع إيه الديزاين بيبقي راكب مع مين انت شايف الديزاين دا مين يلبسه الحاجات دي

أنا بوعدك أن شاء الله نعمله مع بعض .

ده وعد ..

وعد اه بس ممكن تكتبي عندنا حوار تاني يهتم بالموضة وينقشع الوقت اللي احنا بنمر بيه . دا وأنا عندي حسن ظني بالله بأن ربنا يرفع عنا الغمة دي عن بلدنا وعن الامة الاسلامية والعالم كله بإذن الله. واحنا لينا حبايبنا في كل مكان

مصمم الأزياء العالمي هاني البحيري تحب تقول إيه لمحبينك وللشعب المصري بمناسبة قدوم شهر رمضان ؟

يارب يبقي شهر خير وبركة والناس ترجع تحس برمضان بالالفة بالبهجة حتي لو فيه مرض وفيه فيرس في الجو وفيه بردو الكلام دا كله بس احنا بردو فيه ربنا سبحانه وتعالى أكبر وأعز واقدر وان إحنا ناخد بالنا أوي أوي أوي أوي من نفسنا ومن النظافة مهمة جدا والحذر يعني الواحد ياخذ حذره أهم من العلاج ولو حد حس بحاجة إنه مريض مفيش أبدا مانع أنه ينزل فورا يكشف على نفسه
2 ياخد جزئية من وقت الحظر لرب العالمين ربنا أنعم علينا بكل النعم دي. إحنا طول عمرنا اللي فوق 30 أو 40 أو 10 سنين
إحنا طول عمرنا بنتنفس هواء الحمد لله رب العالمين ببلاش. دلوقتي الناس اللي بيجيلها الفيروس في النفس فيعرف قيمة النفس انه هو هدية من ربنا للعباد
انتو بتقولو الحقو إدونا جهاز تنفس صناعي فاحمد ربنا إن أنتم أصحاء واحمدو ربنا ان نفسكو طالع طبيعي ودا هدية من ربنا ليكوا

في نهاية حديث العالمي هاني البحيري

فإهدوا النفس دا في القرآن في المسيحية في اليهودية في كل دين خلقه ربنا بس افعلوا الخير علشان تجدوه بإذن الله
كل سنة وانتو طيبين ورمضان مبارك على كل الامة الاسلامية

{ وطبعا أنا بشكر حضرتك جدا علي لقائك الجميل والممتع
وكل عام وأنتي بصحة وسعادة. ورمضان كريم }