حلي دوار الشمس مقدمه من شيف مروه الجزار

كتبت سمسمه سعد

حلي دوار الشمس مقدمه من شيف مروه  الجزار

الجو خلاص محتاج حاجات ساقعه وطعمها لذيذ ومافيش احلي من كده
حلي دوار الشمس هنعملها مع بعض طعمها فظييييع بالحشوه بتاعتها وشكلها لذيذ جدا جدا
يلا بينا
هنحتاج
٥باكوً شاي ساده خالص انا استخدمت اولكر .
٤/٣كوب لبن بودره ونكمل الكوبايه كريم شانتيه خام
نص كوبايه زبادي
ربع كوبايه سكر عادي
رشه فانيلا بودر
ربع لنص كوب زبده سايحه
باكو كريم كراميل
بسكوت اوريو هنفتحه ونشيل الكريمه بين الطبقيتين وناكلها احنا عاوزين البسكوت من غير حشو
الطريقه
اولا هنكسر البسكوت ونطحنه بس مش ناعم اوي زي الدقيق ونخلطه بالزبده كويس يبقي عامل زي الرمل المبلول ولو حسيتي ان الزبده مش كفايه زودي .
ثانيا هنجيب بوله وننزل فيها باللبن البودره والكريم شانتيه والزبادي والفانيلا والسكر وبمضرب يدوي الويسك ونخلط كويس جدا جدا لحد ما تحسي ان الخليط امتزج والسكر داب .
ثالثا هنجيب باكو كريم الكراميل ونخلطه مع كوب مايه عادي وبالويسك اليدوي ندوبه علي البارد ونرفعه علي النار ونقلب لحد ما يغلي تمام كده

الطريقه
في صينيه الكب كيك هنحط ورق زبده وناخد معلقتين من البسكوت المطحون في كل ورقه زبده وبقاعده كوبايه ونضغط اوي اوي عشان الطبقه تطلع متماسكه معانا
هناخد معلقه كبيره من خليط الزبادي واللبن البودر ونحطها فوق البسكوت ونوزع بقيه الخليط علي ورق الكب كيك
اكون مسخنه الفرن ندخل الصينيه ١٠دقايق بالظبط لحد ما تحسي ان الخليط معتش سايل بقه متماسك اطلعها من الفرن وافتح عليها المروحه تهدا خالص
بعد ما بردت اوزع بسكوت الاوريو في النص وبمعلقه اضيف خليط الكريم كراميل الي عملناه وسيبناه يبرد واوزع الباقي علي كل وحده من الحلي وعلي التلاجه اقل حاجه ساعتين مش اقل من كده عشان طبقه الكريم كراميل تتماسك كويس تطلعيها وتفكي ورق الكب كيك منها بكل سهوله وتتقدم ساقعه وبس كده والطعم حكايه
ملحوظه ١:ممكن تضاعفي طبعا الكميه
والف هنا

رئيس قسم المطبخ أ سمسمه سعد