كشري مصري مقدم من الشيف لولي

كتبت سمسمه سعد

اسم الوصفه : كشري مصري
مقدم من الشيف لولي
المقادير
كيس مكرونه صغيره الحجم وكيس اسباجتي
نصف كيلو عدس بني
نصف كيلو حمص منقوع قبلها بيوم
كوب ونصف ارز
كوب ونصف شعيريه
نصف كيلو بصل
راس ثوم مقشر ومفروم
ملح وفلفل حسب الرغبه
ملعقه كبيره كمون
رشه من السبع بهارات
ملعقه شطه حاره اختياري
ملعقه كسبره جافه
مكعب مرقه
٦ ملاعق خل
٢ ملعقه عصير ليمون
٢ ملعقه معجون طماطم
٢ كوب عصير طماطم
٣ملاعق دقيق و٣ ملاعق نشا
زيت لتحمير البصل كميه كافيه
الطريقه  التحضير
١-الاول نضع الحمص علي النار يتسلق ونضع الملح في النهايه علشان يستوي بسرعه
٢-نضع العدس علي النار يتسلق معاه رشه كمون ورشه ملح وفص ثوم سليم نتركه حتي يتسلق ونصفيه من الماء
٣-نقشر البصل ونغسله ونجففه من الماء ونقطعه بمحضره الطعام او السكينه شرائح رفيعة ونرش عليه النشا والدقيق ملح لا
٤-نسخن الزيت في طاسه علي النار نزود الكميه علشان ها نحتاجها بعد كده ونبدا نحمر البصل وتصفيه علي مصفي بلاش منديل مطبخ
٥-ناخذ من زيت البصل ملعقتين في حله ونحمر الشعيريه وننز ل عليها بالأرز ونسويه
٦-ناخذ ملعقتين من زيت البصل في حله ونحمر المكرونه بسيط جدا وننزل عليه بالماء المغلي والملح ويتسلق
نحضر الصلصه
٧-ناخذ ملعقتين من زيت البصل في حله علي النار وننزل بنص كميه الثوم ونحمره وعليه معلقه كسبره وننزل عليهم بعصير الطماطم ومعجون الطماطم و٣ ملاعق خل ونص مكعب مرقه وملح وفلفل ونصف معلقه كمون ورشه سبع بهارات وشطه ونتركهم يغلوه حتي تتجانس المكونات
٨-نحضر الدقه في اناء نضع الثوم المتبقي والملح والفلفل والكمون والكسبره والشطه والخل والليمون ومياه سلق الحمص ونتركهم يغلوه علي النار وبألف هنا
٩-التكه الأخيرة هاتقدمي المكرونه كده لا هاتاخد معلقه زيت ونحمر فيها فصين ثوم ورشه كسبره وربع كوب ماء من سلق الحمص ونصف مكعب مرقه نتركهم يغلوه ننزل بالمكرونه فيها تقلب خمس دقائق وبالف هنا
رئيس قسم المطبخ أ سمسمه سعد