الدين الحقيقى : بقلم اسامه بسكالس
الدين الحقيقى بقلم :
اسامه بسكالس
الدين الحقيقى
الديانة مش مجرد العبادة
جوا الكنايس والجوامع
الديانة مش طقوس ولا عادة
ولا اعتكاف جوا فى صوامع
الديانة مش مجرد العلام
ولا خطب ع المنابر
الديانة مش جدال وكلام
وف الغلط تفضل تكابر
.
الدين الحقيقى المعاملة الطيبة
والخير لما يطلع من قلوب حنينه
وتحن على اليتامى والارامل فى ضيقهم
وبإيدك تطبط على الفقرا وتساعدهم
.
الديانة مش خانة فى البطاقة
ولا اشهار ولا اعلان
الديانة الحقيقة العلاقة
بين الله والانسان
الديانة مش مبانى مزخرفة
بالدهب والماس
الديانة مش شكل ومنظرة
عشان تراضى الناس
.
الديانة مش اكراه واجبار
بالسلاح والسيوف
الديانة حرية واختيار
مش ضغوط على الظروف
الديانة مش هزيمة الاعداء
وبقوتك تسود ع الناس
الديانة الحقيقة الاخلاق
والايمان هو الاساس
المزيد من المشاركات
lyrics: osama beskales
للاستماع الى الاغنيه:
https://www.youtube.com/watch?v=F3UeDfAX4ww&fbclid=IwAR2BVv1cGVYOp-HdxgzwiUiK_KhRapAWbX5xSa9y6tj9p7K0aBiCxojibI0
