وداعا “طبيب القلوب” .. بقلم د/ أحمد مقلد

وقال طبيب القلوب
علموا ولادكم
إنهم ما يسيبوش الدنيا تديهم دروس
وولادكم بجميل فعلهم يكونوا سبب سعدكم
وكان المثل في أب صرف ثمن علاجه
عشان يخلي ابنه ونور عيونه طبيب
وضحي بالجسد وعلاجه
وتحمل ألم المرض
وقال أشوف ابني في أعلى مكان
يخدم الناس المحتاجين ويطيب جراحهم
ولما بقي طبيب حلف ما ياخد قرش منهم
وعاش عمره بفعله الجميل
وخد قراره زمان
إنه ما يعالج الا الفقير
وكانت عيادته عنوان لكل محتاج متابعة
وثواب فعله عظيم
وطبعاً عاش بسيط ومات أمير
أسر القلوب بفعله
ومات الجسد وصعدت الروح
وكانت رحمته بالناس سبب سعده
والملايكة تطوف تكتب ثواب فعله
وربنا ملك الملوك
بيأجر الفعل الجميل برحمته
ومات الطبيب يوم ما مات
وساب وراه ولاده يعالجوا كل محتاج
ووصاهم يوم ما أموت تقوموا بفعلي
ولما كان الموت نهاية الطريق
وكان في أخره الحقيقة
بأن الموت مش نهاية حد عايش
ولا ذكري طبيب القلوب تتمسح من قلب أحبابه
والذكر موصول ليوم الدين بجميل فعل طبيب القلوب
وعاش بفعله الجميل في جبر الخواطر
لكل من قصده وكان محتاج مساعدة