العيش الكيزر المقلي مقدمه من شيف سماح عطيه

كتبت سمسمه سعد

كيزر مقلي ياشيف ايوة في اجمل واسهل من المخبوز ومش بيشرب زيت نهائي والطعم وهميييي وهنعمل كمان برجر
يعني الوصفة اسمها برجر دوناتس

ذي ماحضراتك  شايفين في الصورة والحقيقة اجمل بكتير مين عاوز الطريقة ومين نفسة في اجمل سندوتش برجر ممكن تعملية وتبهري اسرتك بي
مقادير العيش الكيزر المقلي مقدمه من شيف سماح عطيه
٣ كوب دقيق
كوب لبن
معلقة كبييرة زبدة
معلقة صغيرة ملح
معلقة صغيرة سكر
معلقة خميرة
معلقتين كريمة سائلة
في بولة هننزل بالدقيق وعلي الملح ونقلب وهندوب الخميرة مع اللبن وعليهم السكر والزبدة وننزل بيهم علي الدقيق ونعجن كويس جدا جدا لمدة ربع ساعة نغطي العجينة لمدة ساعة وبعد ساعة نقطع العجينة كرات حسب مانتي عوزة الكيزر كبير او متوسط ونبطط العجينة بتاعتنا شوية بحيث تكون بردو مرتفعة ونخلص الكمية ونغطي الكيزر لمدة ربع ساعة وبعد كدة في زيت متوسط الحرارة نقلية هنلاحظ انة بعد شوية ارتفع اقلبة علي الوش التاني علشان ياخد اللون الذهبي اطلعة من الزيت علي مناديل المطبخ وحقيقي لونة تحفة وهش جدا وطعمة وهميييي
مقادير البرجر
نص كيلو لحمة مفرومة فيها نسبة دهون
بصلة صغيرة مفرومة ناعم جدا
معلقة صغيرة ملح
معلقتين بهارات البرجر
رشة فلفل اسود
الطريقة
نقلب كل المكونات علي بعض وارجع افرمهم في الكبة مرتين بعد كدة ادخلهم التلاجة ساعة وابتدي اعمل فرمة البرجر في المكبس ودة يعني علشان يكون متساوي وكلة اد بعضة لكن لو مش متوفر افرد عجينة البرجر وابتدي اقطعها بقطاعة او اي غطاء عندي واخلص الكمية وادخلها الفريزر لمدة نص ساعة بعد كدة في طاسة تيفال او علي الجريل ابتدي اقلي البرجر بتاعي
اتمني ان الوصفة تكون سهلة جدا

والف هنا

رئيس قسم المطبخ أ سمسمه سعد