قطعه جاتوة ( اميره برج العذراء ) للشاعر : محمد زيدان

قطعه جاتوة ( اميره برج العذراء ) للشاعر: محمد زيدان

هذا النص اهداء الى ايه عجاج زيدان (مرمر زيدان )

 

قطعه جاتوة ( اميره برج العذراء )

كل سنه وانتى طيبه يا اميره برج العذراء

كل سنه وانتى طيبه وليكى منى ابسط اهداء

كل سنه وانتى دايما ناجحه

وف دنيتك من فرحه لفرحه

ويدورالعام وييجى نفس اليوم

وتفضلى دايما مع التالق فى لقاء

كل سنه وانتى مهما كبرتى

هتفضلى برضوالطفله اللمضه

اللى من يومين كانت لسه بتحبى

واما تغضب صعب انها ترضى

البنت اللى عملت ضفابر

وهى رايحه اول يوم مدرستها

وهى سهرانه وقلبها طاير

مالفرحه بالشنطه وكاويه مريلتها

كل سنه وانتى بصفه مستمرة

ماشيه فى الحياه فترة بفتره

اهداف تتبنى واهداف تتحقق

وعمرك فى يوم ماتحسى بكسره

كل سنه وانتى من نقله ل نقله

ومن تطور وتفوق لمستوى اعلى

وعايزك تفضلى متاكده وعارفه

ان مفيش ولا هيكون حد عنك اغلى

كل سنه وانتى طبيه يا الذ واطعم قطعه جاتوة

دا انا حبى ولا ميت مليون بيت شعر هيوصفوة

كل سنه وانتى دايما ناجحه

وف دنيتك من فرحه لفرحه

ويدورالعام وييجى نفس اليوم

ويلاقيكى احلى من كل الاعوام اللى سبقوة

كل سنه وانتى طيبه ودايما بخير

واكون مكان ابوكى فى الحياه  بمراحلها

كل سنه وانا يارب اكون جدير

بالامانه اللى سابهالى فى عز طفولتها

 امشى فى الدنيا وقلبك جامد

وميهمكيش من مخلوق فيها

وانا المسئول وادينى بتعاهد

افضل حاميكى لاخر يوم ليا فيها

عندك الدنيا وعندك الزمان

احلمى فيهم كمان كمان

وانا المسئول وقدام ربنا

احققهملك حلم حلم ايا كان

كل سنه وانتى طيبه يا اميره برج العذراء

كل سنه وانتى طيبه وليكى منى ابسط اهداء

 الشاعر: محمد زيدان