قدرة قادر  مقدم من شيماء زهران  

حلوه اوى بجد

الطريقه دى مضمونة 100 %

المقادير

الكراميل

2/3كوب سكر

2 ملعقه كبيرة ماء

الكريم كراميل

3 بيضات

1 ونص كوب حليب

3/4 كوب سكر

فانيلا + غطا خل بيقضى نهائى على رائحة البيض

ملعقة صغيرة بش قشر برتقال لو تحبى بيخليها روووعه

الكيك

2بيض

فانيليا

خل

3/4كوب زيت

3/4كوب حليب

1/2 كوب سكر

1كوب دقيق

1/4كوب كاكو خام وممكن نسكويك

1 ملعقة كبيرة بيكنج باودر

رشة ملح

بشر برتقال مع الكاكو بيعمل شغل عالى

ممكن الاستغناء عنه

الطريقه

نضع السكر والماء على نار هاديه ونسيبه يبقى كراميل من غير مانقلبه خالص الا لو لونه بقى ذهبى غامق ولسه فى حتت من السكر مادبتش اطفى النار واقلب لحد لما تختفى واسيبه على جنب ومتقلقيش لو نشف

الكريم كراميل

هنضرب مكوناته كلها فى الخلاط جيدا واضفها على الصينيه اللى فيها الكراميل

ومتقلقوش خالص هى الطبقات بتفصل لواحدها حتى لو قلبنها بملعقه

الكيك

هنضرب المكونات السائله كلها فى الخلاط مع بشر البرتقال

ونكون مجهزين طبق عميق فيه الدقيق والبيكنج باودر والكاكو واقلبهم وانزل بالخليط السائل اللى فى الخلاط على الدقيق واقلبهم تقليبه خفيفه بالوسك واضفهم على الكريم كراميل اللى فى الصينيه اكون غاليه الماء هاخد الصينيه اللى فيها خليط الكيك واضعها فى قلب صينيه تانيه اكبر منها بشوية حلوين …واضعها على شبكة الفرن اللى هكون مولعه قبلها وسايبه على 180

و ابدا اصب براجه الماء المغلي فى قلب الصينيه الكبيرة  بحيث موقعش ماء على الصينيه اللى فيها خليط الكيك

والعمليه دى اسمها (حمام مائى)

وضع الماء لنصف مستوى الصينيه اللى فيها الكيك ومزودش علشان مايدخلش على الكيك

ادخلها فرن سخن على 180 درجه لمده 55 دقيقه واختبر السوا بعود خشب لو طلع نضيف يبقى تمام

المقادير دى لصنية مقاس 18

وممكن تضاعفى المقادير وتعملى فصنيه اكبر

وممكن تضاعفى مقادير الكريم كراميل بس لو حابه يبقى طبقة سميكه شويه عن كده

ولما تستوى اقفلى الفرن وسبيها تهدى خالص

ثم طلعيها من الحمام المائى وسبيها تبرد على الرخامه جيدا ثم تدخل التلاجه ساعتين تبرد

وبعدين نطلعها نقلبها على طبق التقديم

جربوها حلوه اوى بجد

رئيس قسم المطبخ أ / جيهان جعفر