استشارات زوجية بقلم الإخصائية ايمان عبده (٣)
انا برسل اليكى بمشكلتى ويارب الاقى حل عندك انا كويسه جدا مع زوجى وزوجى ايضا ممتاز معى الحمدلله ولكن انا من سنه ألان بتعرض لنوبات من النسيان الفظيعه وبنسى حجات كتير فى البيت وده عامل مشاكل كتير رحت لاكتر من دكتور وخدت ادوية للتركيز وعشان الدوره الدمويه فى المخ وتحسينها وكل ده لم يفعل شىء نفس الدكاتره قلولى مفيش اى شىء او مرض عندك امورك طبيعيه والموضوع نفسى وبعد ست شهور انتظام على الادويه لم يظهر اى تاثير او تقدم نهائى امتنعت عنها ولم تسوء الحاله او تتقدم زى ما هى وفرت الفلوس فقط قليلى اعمل ايه
متقلقيش عملية النسيان امر عادى وبيتحسن والحمد لله لا يوجد سبب عضوى الموضوع فقط تتبعى ما هكتبه لكى وان شاء الله هتتقدمى
– النوم الكافى وزيادة عدد سعات النوم الهادئ والمنتظم
– غيرى نوعبة الاكل الى اكل صحى وتقليل الدهون والملح مع ممارسة الرياضه بانتظام والمشى يوميا ٤٥ دقيقه على الاقل
– وسعى دائرة علاقاتك اصدقاء جدد جيران احداث اجتماعية لا تجعل للنسيان بعزلك إجتماعيا
-تنظيم وتحديد وقتك امر بالغ الاهمية وبيفرق كتير جربى تأثيره السحرى
-مارسى النشاط الزهنى مثال حفظ القران الكريم
– من الاشياء المفيده جدا النشاطات الزهنية الغير مرتبطه بالتذكر والنسيان ولكن هو تشغيل للمخ مثل الالغاز والعاب الذكاء
-لا تقومى باكثر من عمل فى نفس الوقت كل وقت له عمل واحد فقط
– -مارسى القراءة فى المقالات والكتب البسيطه ثم اعادة شرح وتلخيص الامر لمن حولك بشكل غير منتقد إجتماعيا
هذه مجموعة من النصائح هتساعدك كثيرا وتابعى معى النتائج
بقلم ايمان عبده
اخصائية نفسية واستشارية اسرية
