حوار مع المودل رنيم خاشو وجه المودل الحقيقي

حوار مع المودل السورية رنيم خاشو
حاورتها حنين مقصود

* رنيم خاشو ماذا يعني لك المودل بكلمة واحدة ؟ومتى بدأت مسيرتك فيه؟
الموديلينغ بالنسبة الي حلم وتحقق ما رح قول هدف لان ماكنت مخططة كيف وايمت رح فوت بهالمجال.. وبلشت فيه من 3 سنين

* في ظل مجتمع اصبحت كل فتياته مودل .. هل بامكانك تذكيرهم بمفهوم المودل الصحيح؟ وما المقاييس المطلوبة له؟
بكل مجال موديلينغ او تمثيل او حتى التعليم والطب في ناس مناح وناس لأ.. حدا بيشتغل من قلبو لان بيحب هالشغل وناس بتشتغل واجب ما اكتر او لغاية شخصية معينة وبحس الناس بتقدر تميز مين عم يعمل شي صح وعم يقدم شي مرتب ومين لأ.. والمقاييس بتختلف عنا كشرقيين عن المودلز يلي منشوفون برا بس بشكل عام مطلوب من المودل يكون قواما حلو والطول ما أقل من 170 وملامح وجه مقبولة وتعرف تتصرف قدام الكاميرا او عالبوديوم

e>
* بحكم خبرتك في مجال الرياضة والرشاقة .. كيف تستطيع الفتاة الحصول على الجسم الممشوق المتناسق؟
الجسم المتناسق بدو رياضة وحمية سوا.. كل واحد بيكمل التاني يعني الدايت لحالو ما بيكفي والرياضة لحالا مابتكفي.. وانا ضد عمليات الشفط والنحت الا بحالات الوزن الزايد عن حدو

* من بين الميك اب ارتيست التي تعاملتي معهم .. بيد من منهم رأيتي نفسك اجمل ؟
كل حدا بيعملي مكياج بحس بيعملي شي جديد ومختلف عن التاني وحتى بحس ملامحي بتبين غير مع كل حدا فيون وكلون بحبون وبحترم شغلون بس المفضل عندي هوة مكياج رامي قبطي يلي سافر عالعراق وبعتبرو خسارة لانو حدا فنان وموهوب

* ما الصعوبات التي تواجه عارضة الازياء في ظل مجتمع شرقي ؟ وكيف تردي على اي انتقاد يوجه لك ؟
من الصعوبات انو هالمجال لسا ما مدعوم بالطريقة المناسبة وكمان في كتار ناس مابيتقبلو نوع لبس معين وحتى مابيتقبلو عنا الشغلات الغريبة بالمكياج والشعر.. والشي البشع انو بيحكو بطريقة بشعة وبيستعمو الفاظ بتجرح.. من قبل كنت ادايق وازعل خصوصي انو نسبة المحبين اكتر بكتير ومن فترة منيحة تعلمت طنش عن الكلام يلي لابيقدم ولا بيأخر وعدم الرد هوة انسب رد عهيك ناس

* امام هذه الفرضيتين كيف تتعاملي ( الاولى لو اعتزلت المودل ماذا ستعملين ؟ الثانية لو عرض عليكي مشهد مثير جدا مقابل اجر عالي ماذا تفعلي؟ )
هيي مو قصة اعتزال انا ممكن بطل موديلينغ وقت شوف حالي بشي تاني رح انجح اكتر ممكن تمثيل او خط بالازياء خاص فيني.. الفرضية التانية بالنسبة الي مرفوضة لأني بحترم المجتمع يلي عايشة فيه

* كان لك حضور مميز في كليب الفنان محمود قصير .. لو اعيدت هذه التجربة مع اي فنان تتمني الظهور؟
التجربة حلوة لانها الاولى كانت الي والغنية حلوة ومحمود فنان ناجح.. اذا بدا تنعاد اكيد بتمنى مع فناني المفضل نور الزين .. بس التجربة التانية بغض النظر مع ايا فنان اكيد رح تكون افضل لأني تعلمت من الأخطاء يلي صارت اول مرة

* بعيدا عن المودل متى سنرى رنيم في القفص الزوجي ؟ وما متطلبات قلبك لمن سيسكنه ؟
مافي فكرة ولا في مشروع ارتباط.. ومتطلباتي بالشب يلي رح حبو يكون حنون وصادق وكريم وحليوة نوعا ما.. ويمكن هالصفات بتحبا ايا صبية ما بس انا

* اي منهما يهمك اكثر بصراحة ( ان يكون تصميم الفستان ملفت او ان يكون الفستان عادي لكن اسم مصمم الفستان عالمي )؟
مابحب احكي بالعالمية لهيك رح جاوبك عأساس شغلي.. بصراحة بيهمني وكتير كمان الاسم يلي عم اشتغل معو وماقصدي بهالشي انو شرط يكون هالاسم هو الاغلى او الاشهر بس يكون شغلو للشخص مرتب وكلاسي

* ما هو سر نجاحك واين تري نفسك بعد 10 سنوات؟
نجحت لاني بحب الشي يلي عم اعملو ولأني بشتغل عحالي كتير وبعرف كمان جرأتي وحريتي وين وقفون لهيك الناس بيحبو الشي يلي بقدمو بهالمجال وبعد 10 سنين مابعرف وين بكون بس الاكيد رح كون ناجحة متل هلأ واكتر نشالله

* ماذا توجهي كلمة في ختام هذا الحوار عبر جريدة اسرار المشاهير؟
اخر شي بدي قلك شكرا عاللقاء الظريف وكتير حبيت الاسئلة وبدي اتمنى لجريدة اسرار المشاهير نجاح اكبر واكبر