تشيكن استربس مع رز بسمتي وسلطه زبادي
مده التحضير:٣٠دقيقه
مده الطهي:٦٠ دقيقه
مقدم من الشيف/mostafa sob7y
مقادير التتبيله
نصف كيلو صدور دجاج مقطعة بالطول
كوب دقيق
2 ملعقة كبيرة نشا
2 ملعقة كبيرة زبادى
ملعقة كبيرة كاتشب
ملعقة خل
لبن
للطبقة الخارجية.
2 كوب دقيق
نصف كوب نشا
ملعقة كبيرة بكينج بودر
ملح
فلفل أسود
ببريكا
شطه رشه صغيرة كركم
توابل التتبيله.
《 ملح . فلفل أسود . زعتر . ببريكا . ثوم بودر .بصل بودر . بهارات فراخ . كركم 》
الطريقه.
هنجيب نص كيلو صدور ونقطعها بالطول متكونش رفيعه ولا تخينه ونحضر بوله نحط فيها كوبايه دقيق و معلقتين كبار نشا وبيضه ومعلقتين كبار زبادي ومعلقه كبيرة كاتشب وملح وفلفل وزعتر وبابريكا وتوم بودرة وبصل بودرة وبهارات فراخ و كركم ومعلقه خل ونحط لبن لحد ما تعمل عجينه قوامها مش خفيف ومش تقيل ونقلبها كويس ونحط فيها الفراخ مش أقل من 4 ساعات وبعد كدا نحضر طبق غويط نحط فيها كوبايتين دقيق ونص كوبايه نشا ومعلقه كبيرة بيكنج بودر وملح وفلفل وبابريكا وشطه ورشه صغيرة كركم بعد كدا هنطلع الفراخ من التلاجه ونطلعها من الخليط دا ع الدقيق من غير ما نضغط نغلفها كويس بالدقيق وعلي زيت سخن غزير اول دقيقتين نار متوسطه وبعد كدا أهدي النار شويه وأرجع أعلي واطلعها علي مناديل بتاخد ع النار كله حوالي 5 دقايق فقط
الرز البسمتي الأصفر
في حله هنحط زيت على زبده ومكعب مرقه ونص معلقه كارى و معلقه كبيرة كركم ونقلبهم دقيقه وبعدين نحط كوبايتين من الرز البسمتي المغسول والمنقوع نص ساعه فى ماء دافئ ونشوحه شويه وبعدين نحط الميه المغليه ( علي كل كوبايه رز كوبايتين ميه ) ونسيبه لحد ما يقرب يشرب ميته وبعدين اهدي النار خالص لحد ما يستوي
سلطه الزبادي
في بوله نحط علبتين زبادي عليهم خيار مبشور ورشه ملح وعصرة لمونه ونص معلقه سكر رشه صغيرة فلفل أسود ونقلبهم كويس وتزين بالنعناع الأخضر المفروم أو البقدونس المفروم
