قرص بالسكر والقرفة.
مقدم من شيف مني الحسيني
مدة التجهيز ٦٠دقيقة
مدة الطهي ٢٠دقيقة
مقادير العجينة…
كيلو دقيق مخبوزات
كيس بيكنج بودر
٥ معالق سكر
معلقتين خميرة بيرة
نصف ليتر مياة دافية للعجن
ربع كوب زيت عباد
رشة ملح
مقادير الحشوة….
كوب سكر+ معلقتين كبار قرفة ناعمة
سمسم محمص للوجه
الطريقة….
قلبى مكونات العجينة مع بعض واعجنيهم جداااا لمدة ١٥ دقيقة …
غطيها بفوطة مطبخ حتى ترتاح ويتضاعف حجمها…
قطعيها كورات صغيرة وافرديها دائرة صغيرة وفى كل واحدة معلقتين سكر بقرفة وقفليها كويس واضغطى عليها بسيط وبفرشاة بها مياة وادهنى الوجه واغمسيها فى السمسم ..وفى قالب مدهون زيت صفيهم جمب بعض واضغطى عليهم واتركيهم نصف ساعة أخرى ثم سخنى فرن على درجة حرارة ٢٠٠ واتركيها تنضج …
بعد ماتخرج من الفرن رشيها مياة بسكر بسيط . وبألف هناااا..
