سلاف فواخرجي ترد على منتقديها.. الحزن بالقلب
جهينة نيوز
شاركت الفنانة السورية سلاف فواخرجي، صورة عبر حسابها الشخصي على تطبيق “إنستغرام”، ظهرت فيها في إحدى صالات العرض الفنية.
وأرفقتها بتعليق جاء فيه: “حالة دوران مع الذات في غاليري ألف نون مع الدراويش والحبق”. الأمر الذي عرضها لإنتقاد من بعض الجمهور الذين اعتبروا أنها يجب ان تكون في فترة حداد بسبب رحيل زميلتها دينا هارون. فكتبت إحدى المعجبات: “أنا من معجبينك بس احتراماً لوفاة زميلتك دينا هارون لازم ما حدا من الفنانين ينشر صوره وروحاته وجياته شي كم يوم عل قليلة… ما بتتأثروا الفنانين”.
وردت فواخرجي على المعجبة بالقول: “مع إنو مو من عادتي رد. بس كمان نسيتي إمي وخالتي واختي وخالي وخالتي وعمتي وحماتي. فقدت سبع أشخاص بفترة قريبة وبالأخير زميلتي وما عرفت كيف رجعت للحياة بألف صعوبة وبعدني عم أتعافى”.
وأضافت: “وما قصرت باتجاه زميلتي ولا بيوم وبتوقع ما قصرت مع حدا. وحزني بقلبي ما عم يخلص ومو مضطرة قدم تبرير. وأي زميل تضامن معي يوم حزني صدقته بالمطلق حتى لو راح وإجا وعاش حياته. الحزن بالقلب مو استعراض وبعدين مارحت حفلات صاخبة مثلا لتلوميني واعتذرت عن كل شي في مهرجانات ومقابلات لأني مو قادرة أصلاً ولحتى كمان ما أسمع هيك تعليقات سهلة بالنسبة إلكم بس صعبة على غيركم. وبتوقع إنو عندي درجة من الحساسية والعالية جداً وبتمنى تقوليلي إذا في قواعد معينة للحزن ومدة معينة لأضحك ولا لنزل صورة ولا لأحضر فن تشكيلي ولا لأرجع للحياة”.
وختمت: “خلينا نبطل نكون أوصياء ونحس بالبشر بغض النظر فنان أو شي تاني. عندي حزن بيغطي الكرة الأرضية والله يبعد عنك الحزن. بتسمحيلي حاول ابتسم ولو غصب عني؟ حاول عيش تفاصيل حياتي حتى ولو عم كذب على حالي؟ أو اكتب أو إسمع غنية؟ ولو كانت هالإشيا دوا لروحي بتسمحيلي عيش؟”.
يذكر أن سلاف كانت قد نعت دينا هارون عبر صفحتها الشخصية على الفيسبوك متأثرة بوفاتها وكتبت” قبل كم يوم عيونك كان كلهم أمل وانت عم تشدي على ايدي ومصرة تعيشي وعم تقولي كل الوقت يارب ، يارب ، يارب… الرب يكون معك حبيبتي وان شاءالله تكوني بمطرح أحسن والله يصبر ابنك واهلك ومحبينك
