الشتاء واناقتك بقلم استايلست داليا حسام

همسه فى اذن كل امرآه
الشتاء على الابواب ولبس الشتاء بطبيعته بيدى مظهر امتلاء لينا كلنا حاولى تختارى الموديلات اللى متعملش معاكى ده
والعكس طبعا اذا كنتى نحيفه
عندى نصيحه لكل بنت وانتى قعده تملى خليكى متعوده تفردى ضهرك بعد فتره هتلاقى انك اتعودتى على ده وده بيفيدك فى حاجتين
اولا بيشد عضله البطن علشان ميحصلش فيها ارتخاء وبلتالى بيبقى عندنا بطن
فرده الضهر بتشد عضله البطن
ثانيا بتمنعى ان يحصلك اتب فى منطقه الاكتاف
وكمان بتديكى شياكه وانتى قعده
ياريت لما نيجى نحط رجل على رجل نراعى اننا كبنات لازم يكون لينا وقار وشياكه معينه يعنى نركز اذا لابسين فستان طويل ان ميبقاش مساحه كبيره من الرجل مكشوفه بيبقى الشكل مش حلو
واذا لابسين بنطلون بنفقد شئ من الشكل الانثوى بتاعنا فناخد بالنا من ازاى بنحط رجل على رجل فى اى مكان متواجدين فيه لانه بيفرق جدا على شكل شياكتنا
نركز فى حاديثنا اننا منربطهوش بايدينا مش لازم كل كلامنا نحرك ايدينا مع كل كلمه لان ده بيبين احيانا انك متوتره مثلا وبتحولى توصلى كلامك بطرق مختلفه لا خليكى هاديه فى حديثك وابعدى عن لغه الايدين وانتى بتتكلمى بتضيع شويه من شياكتك ووقارك
اختارى دايما الشوز اللى بتلبسيه فى رجلك مناسب مع الحدث اللى انتى فيه وكمان مريح لان ده بيفرق معاكى اذا كنت هتتوجدى فى مكان وقت طويل والشوز تعبك بيفرق جدا مع مودك وبيبان ده جدا على وشك وكلامك
لسه هنقول كلام كتيررررر ومعلومات اكتر
ودايما خليكى فاكره كل ما تكونى بسيطه هتكونى اشيك
شياكتك فى بساطتك