ساره عبادى.لايتجاوز عمرها إثنان وعشرون عاماً
حديثة التخرج من كلية الدراسات الإسلامية قسم العقيدة و الفلسفة.إلا أن شغفها الأكبر كان فى مجال الرسم والتصوير.
شاركت فى ثلاث معارض محلية و
شاركت فالعديد من المسابقات التابعة للحرم الجامعى و كان المركزالأول محجوز لها عن جدارة.
شاركت فى مسابقة مع الفنانة جيهان فوزى و حصلت على المركز الثانى بجائزة مالية والتى كان عنوانها ( معاً لإنقاذ انسان).
وعندما سألتها عن سر نجاحها وخاصة إن هذا النجاح كان أثناء دراستها الجامعية كانت الإجابة هى الدعم المعنوى اللى بدأ من أسرتها ونطاق الأصدقاء حولها.
ولكن هناك سبب أعظم فى وجهة نظرها وهو إيمانها بقدراتها وإن الدافع الحقيقى لابد وأن يأتى من داخلنا .
وهذا كان الشئ الذى دفع ساره للحصول على العديد من الكورسات فى مجال الرسم وأيضاً مجالات التنمية البشرية لتحقيق أكبر قدر من الدعم لنفسها. لإنه على حد تعبيرها
“مش مفروض استنى حد يقومنى لما أقع مفروض أعدى بالصعوبات و اتعلم منها” …ساره دلوقتى بترسم بورتريهات و تابلوهات وأصبح لديها دخل مادى بجانب دراستها اللى بتكملها
ساره بتحلم إنها تشارك فى معارض عالمية وقالت إنه فى يوم من الأيام بالممارسة و المحاولة هتحقق حلمها وإن شاء الله يأتى اليوم الذى ستشارك فيه فى معارض عالمية وبتتطلع إنها تفتح جاليرى كبير و تكون أشهر فنانة مصرية على مستوى العالم .
أخيراً..سألتها. إيه رسالتك للشباب الصغير من جيلك اللى منتظر الوظيفة الحكومية بعد التخرج؟..وكان ردها.. رسالتى أعلم الشباب أن مفيش صعب و إن المحاولة مش هتخسرك وممكن تكون دراستك مختلفة عن المجال اللى هتنجح فيه. وعشان تكون ناجح لازم تعمل حاجة إنت مؤمن بيها.
ساره عبادى. الإسماعيلية فخورة بيكى ونتمنى لكى مزيد من النجاح وإنك تكونى قدوة لكل شباب جيلك.
