شاورما الدجاج الاقتصاديه مقدمه من ايمان عبد الوهاب
اسهل طريقه لعمل شاورما الدجاج الاقتصاديه مقدمه
كتبت سمسمه سعد
مده التحضير عشر دقائق
مده الطهى ٢٠دقيقه
المكونات
نصف كيلو صدور دجاج
معلقة صغيره ثوم بودر
معلقة بصل بودر
معلقة صغيره كارى
ملح وفلفل اسود
الطريقه
نغسل الدجاج جيدا و نقطعها شرائح طوليه زى البطاطس ونتبلها بالمكونات السابقه وعصرة لمون معاهم ولو مش موجود بصل وثوم بودر نحضر بصله كبيره وفصين ثوم ونضربهم فى الخلاط وعليهم عصرة لمون والملح والفلفل والكارى هيبقى سائل يوضع يوضع على الدجاج ونتركها ساعه فى التتبيله ونحضر طاسه سخنه نضع فيها معلقتين زيت وننزل بالشاورما تاخد صدمه وتقفل المسام ونسبها شويه على نار هاديه لحد ماتبتدى تاخد لون بنى من الجناب هنا بقى ننزل بنصف كوب ماء ونقلبها جيدا تتشرب وننزل بشوية سلطة طحينه حوالى نصف كوب ونقلب ونطفى هتبقى بالشكل اللى فى الصوره
٢_خبز الصاج
نصف كيلو دقيق
ملعقة صغيره عسل نحل او شربات
رشة ملح
٣ملعقة زيت
ماء للعجن
نعجن جيدا ونقطعها كور صغيره ونغطيها وتترك ترتاح
عشر دقايق نفردها على دقيق ثم ننزل منها الدقيق التسويه عندك جريل تمام اوى هيسوى عليهاواللى لو مش نجيب صنيه يقلبها يخلى وشها للنار على طول ويستوى عليها العيش
٣_الخيار المخلل السريع
خيار وفلفل حامى
ماء مغلي
ملح
ملعقة صغيره خل
نقطع الخيار والفلفل وننزل عليهم بالماء المغلي والملح لكل كوب ماء ملعقة وربع ملح وننزل بمعلقة الخل ونغطى عليه بسرعه ويترك يتخلل هياخد حوالى ساعه
٤_التوميه
نصف كوب ماء
معلقة كبيره مايونيز
معلقة نشا
فص توم
ملح وخل ورشه خفيفه اوى كمون
على النار نضع الماء والمايونيز وعليهم ملعقة النشا ونقلب جيدا تتخن شويه ننزل بربع ملعقة خل ونقلب ونضع التوم المفروم ناعم جدا نقلب ونطفى تبرد توضع فى التلاجه
٤ بطاطس محمره
نضع الساندوتشات نجيب العيش نضع فيه الشاورما والبطاطس والخيار والتوميه ونلفه ونبصمه على الجريل او على طاسه
وبألف هنا
ملحوظه معلقة الشربات او العسل بيخلى العجينه سهله جدا فى الفرد وماتتقطعش بسهوله
سلطة الطحينه عباره عن ثوم مفروم وطحينه وملح وكمون نقلبهم جيدا بمضرب سلك وننزل بالماء الساخن ونظبط الملح وعصرة لليمون ونقطتين خل ونقلب جيدا لحد ما القوام يبقى مظبوط
والف هنا
رئيس قسم المطبخ أ سمسمه سعد
واسماء عزازي