رانيا يوسف ترد في مداخلة هاتفية في برنامج “مساء DMC”، مع الإعلامية إيمان الحصري، على قناة “DMC” قائلة
أنا مش صغيرة ولا غبية علشان أضيع مجهود السنين اللى تعبت علشان أبني فيها اسمي ، فأستحالة بعد مجهود ومشوار 25 سنة أطلع بشكل غير لائق زي اللي اتقال وأتكتب ، اللي حصل أن بطانة الفستان مع الحركة وطلوع السلم القماشة شدت البطانة وكنت امام الكاميرات معرفتش أعدله المشكلة في خامة الفستان ،أنا عندي بنات عرايس واحدة 18 وواحده 15 واستحالة كنت أعمل كده عن عمد، أنا كنت خلاص قدام الكاميرات ومعرفتش اتصرف واضافت انا بعتب على اللي صورني من الزوايا الخلفية وأظهرني بهذا الشكل ده وحصلي من قبل في مهرجان آخر السوستة اتقطعت وخياطتها على الهوا علشان اغطي ظهري ،اكيد انا بحافظ على شكلي وأهلي وأولادي، أنا استحالة اعرض نفسي للبهدلة دي ، وذكرت رانيا أنها في الافتتاح لبست استيل أخر والناس انتقدتني أيضاً .
وذكرت رانيا انها لم تعلم بالبلاغات ولا أي قضايا غير من الإعلام والسوشيال ميديا وأنها لم تستلم اي ورقة حتى الأن ،واكملت حديثها قائلة: انا بعد ما اتصورت دخلت عدلت البطانة في الحمام ، بس كان خلاص للأسف اتصورت ، وانا عارفة أن الناس ليها حق تضايق ،انا نفسي أتضايقت شكل الصور يضايق وغير لائق .
وتابعت: “أنا متخيلتش حجم اللي حصل، كان ممكن يكون فيه رد فعل أحسن من كدة، ولادي في موقف مش حلو ومخضوضين وخايفين عليا”.
