كلمتين تانيين وبس

كتبت
فاتن نصر

كلمتين وبس برنامج محفور في وجدان كل الاجيال التي عاصرته
وكاتبنا اليوم
الاستاذ.. ايمن النقيب
واحد ممن تاثروا بها
واراد محاكاتها
ومعه نستمتع بعودتها من جديد مع إهداء لروح مبدعيها
==============
كلمتين وبس
مع
عام التسامح
========
سيد أفندي قاعد قعدة صفا في المغربية و الجو جميل يرد الروح
و بيشرب فنجان القهوة اللى بيحب يشربه في الوقت ده.
دخلت عليه الست تفيدة و هى زعلانة و باين عليها الغضب.

سيد أفندي قال لها
مالك يا تفيدة هانم إيه اللى زعلك …
تعرفي أنك لما بتضحكي وشك بينور و الدنيا كلها بتنور قدامي.
تفيدة قالت له
الله ينور أيامك يا سي السيد لكن أعمل إيه للناس…
ما عدش حد بيراعي شعور التاني
عندك الحاجة سندس جارتنا اتفقت معاها نخرج و نلف على المحلات نشوف كسوة الشتا للعيال
لأن اسم النبي حارسه و صاينه الحاج عبدالبديع جوزها زي حالاتك كده يا سي السيد ..
ما عندوش صبر على اللف على المحلات و بيزهق بسرعة
و ممكن يتضايق بعد ما نلف على يدوب عشر محلات.
فقلت للحاجة سندس نخرج نلف براحتنا و اتفقنا تفوت علي الساعة خمسة
و دلوقتي بقت الساعة سبعة و عماله أرن عليها على الموبايل ما تردش
و ابعت لها رسايل على الواتس برده ما تردش
و الله العظيم ما عدت عارفها و لا مكلماها.
سيد أفندي قال لها
الناس ظروف يا تفيدة هانم و الغايب حجته معاه
و لازم نعذر بعض و نتسامح
و خصوصا إننا داخلين على عام التسامح
.. مش كده إلا إيييييه

إهداء لروح
الأستاذ أحمد بهجت
و الأستاذ فؤاد المهندس.

مع تحياتي
أيمن النقيب