ملوخية مقدمة من الشيف المتميزة دعاء نصر
كتبت إيناس حسنين
المقادير :
كيلو ملوخية
٦ فصوص توم مهروسين
نصف ملعقة صغيرة كسبرة ناشفة
ملعقة صغيرة سمن
ملح
٢ كوب شوربة
الطريقة :
هنقطف الملوخية و نغسلها كويس جداااا و نشفها كويس عشان لو خرطيها بالمية هتعمل ريم في السوا و بعدين نخرطها بالمخرطة ونحضر طنجرة بها الشوربة و فص توم مهروس و ملح و عند الغليان نضيف الملوخية تاخد غلوة واحدة و نطفي عليها النار و نقلي التوم في السمنة مع الكسبرة و لما لونها يبقي دهبي ضفيها علي الملوخية و تقلب و بالهنا ..
ملحوظة
: ١- هتشتري الملوخية اللي ورقتها كبيرة و طازة
٢- و انتي بتخرطيها ما يكونش فيها ورقة بايظة او لونها غامق
٣- تخرط الملوخية فى اسرع وقت اى لاتترك للهواء اثناء الخرط لمنع اسمرارها وتوضع فى الشوربة المغلية مباشرة بعد الخرط بسرعة تاخذ غلوة واحدة وتكفى النار و بعدين التقلية ويمنع تغطية الملوخية وهى ساخنة لمنع سقوطها وبالهنا .
