هما سابوا بعض فجأة.. بقلم/ وفاء يوسف.

هما سابوا بعض فجأة
هو حس هي خاينة
هي حست انه خاين
هما كل واحد فيهم في اتجاه
هو جوه عقله فاضي
هي عاملة نفسها قاضي
كل شويه ترمي عليه الاتهام
هو عامل فيها جامد
ساعة شارد ساعة ساكت
مش قادر يطبطب شويه
أو يبين ليها أي اهتمام
هي ظنت انه خاين
وهو ظن أن قلبه عليها هان
وأنها بتنكد عليه عشان تسيبة
وتروح للي بيوم كان حبيبها
هو أهبل هو طايش
هو فاكر نفسه عايش
بيداري ضعفه
في ذكرى فاتت
مش عارف يطبطب
مش عارف يدادي
وهى ست فاشلة جدا
بترضي غرورها بأسئلتها
و حصارها له بالساعات
وفاكره انها هتاخد جايزة
وهتجري بيها على الميدان
والحقيقه أخرها متر
هيترافع في المحاكم
والحقيقه آخرها متر جوه أرض
والنهاية مأساوية باقتدار