كتبت سمسمه سعد
مده التحضير 15دقيقه
مده الطهي 90دقيقه
المكونات
نصف كيلو ارز مصري
نصف شعريه
نصف مكرونه اسباجيتي واي نوع تفضليه
نصف كيلو طماطم معصوره مع فلفل رومي او حار
ربع حمص الشام ربع عدس بجبه
معلقتين كبار توم مفروم كسبره ناشفه
/فلفل اسود /ملح/كمون /شطه/قرفه
جنزبيل/خل/4 ليمونات/4 بصلات /زيت.
الطريقه/اولا نجهز الصلصه
نضع معلقتين زيت في اناء على النار يسخن ننزل بعصير الطماطم ومعاها معلقه توم مفروم تتسبك ونضع الملح والفلفل والكمون وشطه وكسبره ناشفه وقرفه وجنزبيل وربع كوب ماء تغلي ونطفي عليها
ونجهز الدقه / نعصر 4لليمون وعليهم ربع كوب خل وكوب مياه وملح وفلفل وشطه وكمون وكسبره وتوم مفروم ونقلبهم جيدا وكده عندنا احلي دقه
حمص الشام / هنكون نقعينه قبلها بيوم ونسلقه ونضع كوب عصير طماطم ويستوي نضع ملح ونطفي عليه
لعمل المكرونه /هنسلقها ونصفيها ونضع عليها زيت وكمون
لعمل الارز بالشعريه/نحمر الشعريه في زيت ونشوح معاه الارز ونضع ملح ونغطيه بماء مغليه ولما يتشرب نوطي عليه لحد السوا
لعمل العدس/بعد نقعه نسلقه ومعاه ملح وكمون ونصفيه
لعمل البصل / نقطع 4 بصلات حلقات وعليهم معلقه دقيق ومعلقه نشا وملح ونقليه في زيت سخن يدوب يبقي دهبي ونطلعه في مصفاه يصفي الزيت
نكون جهزنا كل مكونات الكشري نغرفه في اطباق ونضع الصلصه والدقه ويقدم بالف هنا
رئيس قسم المطبخ أ سمسمه سعد
واسماء عزازي