كتبت سمسمه سعد
مده التحضير ساعة
مده الطهي عشر دقائق
المقادير
٣ صدور دجاج فليه
بطاطس متوسطه مسلوقه
معلقه كبيره نشا
ملح ، فلفل
توم بودر بصل بودر
ببريكا بهارات دجاج
حبهان بودر لورا بودر مرمريه لو متاح
معلقه صغيره خل
بياض بيضه وممكن الاستغناء عنه
الطريقه
نقطع الدجاج صغير ثم تفرم بالمفرمه او الكبه ثم نضع البطاطس المسلوقه ونفرمها مع الدجاج ونخلط الاتنين مع بعض جيدا
الناجتس بتتعمل بنشا البطاطس لو متوفره ول لا بنبدلها بالبطاطس المسلوقه ومعلقه نشا الدره
نضع بياض البيضه وممكن نستغنا عنه والنشا والبهارات ونعجنها كويس مع بعض
نفردها على ورق زبده او الاسترتش وتكون مش سميكه قوى وتدخل الفريزر لساعه ثم تقطع بالقطاعات اى شكل تحبوه
نعمل خليط عباره عن بيض ودقيق وحليب او مياه ورشه بسيطه بيكنج بودر وفلفل اسود ويكون سميك شويه ونضع فيه الناجتس
ثم توضع فى بقسماط يفضل توست طازه منزوع الاطراف ومفروم ونسيبه ينشف شويه
ثم نضعها على ورق وتدخل الفريز حتى تتماسك ثم توضع فى اكياس لوقت الحاجه وعند الاستخدام نطلعها وتحمر مباشره مينفعش نسيبها تفك تنزل فى البدايه فى زيت ساخن جدا ثم نهدى النار علشان تستوى من جوه جيدا
والف هنا
رئيس قسم المطبخ أ سمسمه سعد
واسماء عزازي