كتبت سمسمه سعد
مده التحضير ساعة
مده الطهي ربع ساعة
المكونات
اتنين كيلودقيق
كيلو ذبدة صفرا نوع جيد
نصف كيلو لبن حليب دافئ
كوب مياة صغير
معلقة صغيرة خميرة بيرة
نص كوب سمسم محمص
٤ معالق سكر
معلقة فانيليا
كيس بيكنج بودر
كيلو عجوة مهروسة للحشو ومعلقتين سمن بلدى
الطريقة
قلبى السمسم والبيكنج بودر والفانيليا على الدقيق وسيحى الذبدة بس لا تخليها تغلى
وانزلى بالذبدة على الدقيق وبسيه كويس جدا يعنى تفركيه لغاية ماكل الدقيق يختفى ويكون زى الرملة المبلولة
دوبى الخميرة فى معلقتين لبن وانزلى بيها هى واللبن والمياة والسكر دوبيه فى اللبن ولفيهم كلهم لغاية ماتتكون عجينة
لفيها فى كيس وعلى الرخامة قطعيها قطع صغيرة كل قطعة افرديها دايرة والعجوة اعجنيها بمعلقتين السمن وشكليها كور
صغيرة وفى كل دائرة عجين حطى عجوة واقفليها كويس وافرديها دائرة
رصيهم فى صوانى الخبز واتركيهم نصف ساعة يرتاحوا قبل الخبز..
درجة حرارة الفرن ٢٠٠ لمدة ١٥ دقيقة وبالف هنا
رئيس قسم المطبخ أ سمسمه سعد
واسماء عزازي