البيتزا مقدمة من الشيف نيفين عبد العزيز

البيتزا 🍕🍕
المقادير
خليط الخميرة
معلقة كبيرة خميرة فورية
معلقة كبيرة سكر
معلقة كبيرة دقيق
مقادير العجينة
كوب لبن دافئ
2ونصف كوب دقيق
١/٤ كوب زيت
١/٤ معلقة صغيرة ملح

مقادير الحشوة
سوسيس مسلوق ومقطع او سجق او بسطرمة او تونة او لحمة مفرومة متعصجة او زيتون مقطع او جمبرى مستوى طبعا
بشر جبنة رومى وموتزاريلا
2معلقة كبيرة صلصة
فلفل احمر اواخضر مقطع
توابل/زعتر وبابريكا وتوم بودر وفلفل اسمر
رشة سكر
معلقة صغيرة زيت
معلقة كبيرة كاتشب
الطريقة
نجهزصوص البيتزا
باناء نضع الصلصة وكوب ماء والفلفل الاحمر او الاخضر وكل التوابل ومعلقة الزيت ورشة السكر ونقلب وتترك تتسبك على النار ثم نضع رشة الملح ونقلب ثم نطفى النار ونضع معلقة الكاتشب ونقلب وتترك جانبا
نحضر كوب ونضع به ربع مقدار اللبن الدافئ ونضع عليه خليط الخميرة معلقة الدقيق ومعلقة السكر ومعلقة الخميرة ونقلب جيدا بمعلقة ثم نغطى الكوب ويترك الخليط يختمر المهم لازم حجمها يتضاعف ونترك باقى اللبن جانبا وبعد ما اختمرت وتضاعف حجمها نحضر طبق ونضع به ال 2ونص كوب دقيق والملح الزيت ونقلب ثم باقى اللبن و خليط الخميرة ونقلب ونعجن كله الى ان تتكون عجينة متماسكة وناعمة ولو كانت لسه بتلزق باليد نضع كمان معلقة دقيق ولو احتاجت معلقة كمان نضع ونعجنها المهم تتكون عندنا عجينة متماسكة وناعمة ونقسمها الى قطعتين وكل قطعة نفردها بصنيتين كبار وتكون مدهونة زيت وبعد ما نفرد العجينة ندهنها من صوص البيتزا ونضع السوسيس او الزيتون او التونة او البسطرمة او لحمة مفرومة متعصجة ونضع بشر جبنة رومى وموتزاريلا
ونكرر الطريقة بالصنية الثانية
ونضع الصنية فى فرن سخن من قبل بعشر دقائق على 200وعلى الرف اللى تحت بتفضل حوالى دقيقتين او تلاتة على حسب ما تحمر البيتزا من تحت ثم بعد ما تحمر البيتزا من اسفل نطفى النار ونضعها بمنتصف الفرن ونشغل الشواية وتترك تسيح الجبنة ونشيل الصنية ونكرر التسوية بالصنية التانية وبالهنا