كتبت سمسمه سعد
مده التحضير ربع ساعة
مده الطهي نصف ساعة
المكونات
ثمرة قرع عسلى وزن 1 كيلو أو كيلو و نصف.
4 ملاعق كبيرة سكر.
ملعقة صغيرة قرفة بودرة.
نصف كوب زبيب ، مكسرات حسب الرغبة
لعمل الباشاميل
2 ملعقه كبيره زبدة
6 ملاعق كبيرة دقيق .
3 كوب حليب .
3 4 ملاعق كبيرة سكر ، أو يستبدل بعسل النحل حسب الرغبة .
الطريقة
طريقة عمل القرع العسلي بالبشاميل
ناخد القرع ونقطعه مكعبات متوسطة الحجم .
2) نضيف له السكر ، ونقلبه جيدا و نضعه على نار متوسطة من غير أى سوائل لمدة 5 دقائق ، بعد كدة نهدى النار
3) نقلب القرع بمعلقة خشب من وقت للتانى نلاحظ انه خرج الماء اللى فيه نتركه يستوى ، ونراعى انه يحتفظ بشكله مكعبات ما يكونش مهروس ،نرفعة من على النار
4) نصفى القرع من الماء مع الاحتفاظ بالماء نضيف له الزبيب والمكسرات والقرفة ، ونقلبهم جيدا ونتركه على جنب .
5) لعمل الباشاميل :
نضع الزبدة على النار لحد ما تدوب ، و ثم نضيف لها الدقيق ، مع التقليب لحد ما يتشرب الزبدة جيدا بعد كدة نضيف له الماء المصفى من القرع و الحليب مع التقليب المستمر بمضرب عشان مايعملش كتل .
نضيف له السكر ونقلبه ، ونتركه على نار متوسطة ، لحد ما ياخد القوام المطلوب .. و نشيله من على النار.
6) نسخن الفرن على درجة حرارة 180 مئوية ، نحضر صينية مناسبة لكمية القرع ، ونفرد فيها جزء من البشاميل بحيث يغطى القاع .
7) نضيف كمية من البشاميل للقرع ونقلبهم مع بعض ، ثم نفرد القرع فى الصينية .
8) نغطى الوش بباقى كمية البشاميل ، ونوزع على الوش شوية زبدة سايحة ، و ندخل الصينية الفرن مدة 20 – 30 دقيقة .. بعد كدة نطفى الفرن ، و نشغل الشواية ونضع الصينية تحتها لحد ما الوش يتحمر ونخرجها.
9) نسيبها تبرد ونقدمها وبألف هنا
رئيس قسم المطبخ أ سمسمه سعد
واسماء عزازي