إبداع بالصلصال مع الفنانه نرجس
إبداع بالصلصال مع الفنانه نرجس
بقلم… نسرين يسري
الفن هو الإبداع في التعبير عن الحياة، من خلال الرسم أو الأشغال اليدوية المختلفة معايا فنانه مبدعه في
الصلصال الحراري حنعرف منها طريقه الشغل بالصلصال
اول حاجه عرفيني عن نفسك.. ؟
انا نرجس عندي ٣٥ سنه زوجه وام
عرفتي الصلصال ازاي… ؟
قريت عن الصلصال من 5 سنين وعجبتني فكرته جدا بس وقتها لم اوفق في اني الاقيه لا كان وقتها مش متداول اوي وخصوصا انه مستورد مفيش منه مصري
ساعتها فكرت اشتغل بعجينه السراميك المعده منزليا ولكن لا تصلح للشغل علي المجات لانها تتأثر بالماء ففكرت اني اعمل بيها تحف صغيره وفنفس الوقت تكون حاجه عمليه ففكرت اني اشتغل بيها حجات تكون زي حامل شموع
ازاى بدأتي الشغل بالصلصال الحراري .. ؟
عملت اشكال ورود ومكان لوضع الشمع وبعدين فكرت اني انا اجيب الشمع الخام واعمله علي مزاجي علشان الونه بالوان تليق مع شغلي وفعلا والموضوع عجب ناس كتير الحمد لله وبعدين من ٣ سنين بدا موضوع الصلصال ينتشر ورجعت لشغفي القديم ان اشتغل بالصلصال علي المجات
هل هو موهبه ام تدريب … ؟
علمت نفسي بنفسي ماخدتش كورسات
ازاى اقدر اشتغل بالصلصال الحراري … ؟
انا اصلا بحب الرسم وبحب اي شي بيتعمل بالايد فعجبني جدااااا تشكيل الصلصال الحراري
الخامه بتتشكل يدوي وبعدين بتدخل فرن علي حراره معينه ووقت معين علشان تتصلب
هل في فرق بين الصلصال الحراري وعجينه السيراميك … ؟
الفروق بين عجينه السيراميك والصلصال اهمهم ان الصلصال لا يتاثر بالماء عكس عجينه السيراميك لاتصلح للشغل عالمجات لانها بتتاثر بالمايه
عجينه السيراميك بتتعمل فالبيت لكن الصلصال خامه جاهزه مستورده عباره عن باكت صغير ٥٠ جرام بيكون متواجد فالمكتبات الكبيره
عايزين نعرف منك سر المهنه ايه الخامات اللي اقدر اعمل بيها أشكال فنيه… ؟
ادوات اللي بتساعدني هي ايدي اولا ثم ادوات النحت والتشكيل وبتكون موجوده في مكتبات فنون جميله
بشكر المبدعه نرجس على الحوار الصحفي ومن هنا الأعمال اليدويه تقوى الثقه بالنفس تعطي صاحبها إحساساً غامراً بالسعادة وتُشعره بالفرح عندما ينظر إلى نفسه ويرى ما أنجزته يداه وقد تحقق بأروع صورة بالتوفيق لكل مبدع وفنان.
