لكل مفرش حكايه مع بشري حجازي

لكل مفرش حكايه

بقلم… بشرى حجازى

لما تقرر تشترى اى قطعة هاند ميد لازم تعرف حاجه مهمه وهى ان القطعه دى معموله لك انت لوحدك وانك هتكون مميز مش هتلاقى اى شخص اخر معاه قطعة الهاند ميد دى زى البراندات حتى لو اتكرر نفس الموديل هنلاقى كل موديل مختلف فى الروح اللى اتنفذ بيها وده بيظهر جدا فى قطع الهاند ميد لانها تكاد تنطق بروح وحالة الفنان .
اما بالنسبه ليا فانا متخصصه فى تصميم مفارش هاند ميد عشان كده لكل مفرش عندى حكايه .
اول مفرش مفرش ( الاسبنر ) وده لان العميل كان بيمتلك ترابيزه غير مالوفه او غير تقليديه وطلب تنفيذ مفرش مناسب بعد ما لف السوق ولجالنا فى النهايه وده اللى ميزنا عن المصنع او المكن وتم تنفيذ مفرش الاسبنر بذوق عالى لان الترابيزه لا هى دائريه ولا مربعه ولا مستطيله فاصبح مفرش الاسبنر مفرش خاص بعميلنا وقطعه مميزه وفريده .
ثانيا مفرش ( الورده ) وطبعا الورده يعنى مدور فاذا طلب بيضاوى يتم عمل الديزاين بالتصميم المطلوب بشكل مميز وجميل لارضاء العميل .
ثالثا مفرش (مربع ) وده مفرش بديزاين اسلامى فى نفس الديزاين والتفريغات الاسلاميه من الداخل والخارج وتم عمل الديزاين بالشكل المرغوب ويعتبر ايضا قطعه فريده مميزه فى الشكل والتصميم غير موجوده الا عند العميل ، وهو ده اللى بيميز فنان الهاند ميد .
ما تحاولوش تقللوا من قيمة الهاند ميد قدروا الهاند ميد واعرفوا قيمته لانها اخذت من فنان الهاند ميد ساعات وايام واسابيع وممكن شهور حتى يتم تنفيذها بالشكل المطلوب لك انت وبس .
تحيه لكل فنانيين الهاند ميد .