لقمة القاضي : مقدمة من الشيف سماح عطية

كتبت بطوط احمد

الوصفة لقمة القاضي
مقدمة من الشيف سماح عطية

مدة التحضير والتخمير ٦٠ دقيقة
مدة الطهي ١٠ دقائق

اولا مقادير السيرب
كوب وربع سكر
كوب وربع مية
معلقة صغيرة ليمون
ربع معلقة فانيلا سايله

الطريقة
في حلة علي النار ننزل بكل ما سبق ماعدا الفانيلا ونقلب كويس ونترك السيرب لمدة ١٢ دقيقة علي نار متوسطة ولمايبرد تماما نضيف الفانيلا ونقلب وندخلة الثلاجة علشان يحافظلي علي قرمشة لقمة القاضي وقت الاستخدام
مقادير لقمة القاضي
كبايتين دقيق مخبوزات
كبايه ونص مياه دافيه
معلقة كبيره ممسوحة نشا
معلقة كبيره سكر
معلقة كبيرة خميرة
رشة ملح
نص معلقة صغيره بكينج بودر
كبايه ونصف مياه دافيه
الطريقة
في بولة ننزل بكل المكونات الجافة ونقلب كويس جدا وبالتدريج ننزل بالمية ونقلب كويس جدا جدا الي ان يصبح الخليط متوسط القوام مش خفيف ومش تقيل نغطيها ونتركها تخمر ساعة كاملة وبعد كدة نحضر طاسة فيها زيت غزير وبالمعلقة الصغيرة ندهنها بالزيت وناخد من العجينة وننزل في الطاسة وكل ٤ مرات نمسح المعلقة بالزيت علشان العجينة متلزقش وتنزل بسهولة في الطاسة ونقلب باستمرار لحد مانحصل علي اللون الذهبي نطلع لقمة القاضي من الزيت بعد مانصفيها كويس ننزل علي السيرب الساقع ذي ماقولنا ونقلب لمدة دقيقة ونصفيها من السيرب ونقدمها هنلاحظ انها مقرمشة من برة وهشة جدا جدا وطعمها وهمي طريقة سهلة جدا جدا للقمة القاضي

والف هنا

رئيس قسم المطبخ أ سمسمه سعد

وأ بطوط احمد