مشويات مقدمه من مطبخ اكلات مني صالح

كتبت سمسمه سعد

مشويات مقدمه من مطبخ اكلات مني صالح

   واحتاج دجاج وزن من كيلو ونصف ل ٢كيلو حسب رغبتك
اغسلها كويس اوي وافتحها بالطول وابتدي اشرح براحه علشان ماقطعهاش وتهريها افتح في الصدر شرائح على خفيف بالسكين واعند الجنح اكسر العضمه بدون نزع والورك افتحه بسن السكينه من عند العظم والمفاصل افتحه بس واكشفه علشان مايحبسش دم معانا
عند عظم الفخد اشيل الحاجه اللي شكل الكبده لأنها مصدر الزفاره. وكمان الدم فيها بتلاقيه كتيرواسيبها تتصفي كويس في مصفاه
نجهز التتبيله ونضرب كل حاجه في الكبه او الخلاط بس ضرب على خفيف
البصل والطماطم وفصين توم زعتر توم بودر بصل بودر كركم عصير ليمون وزبادي وشويه خل وملح وفلفل وكمون وكزبره ناشفه وفي توابل الدجاج بحب طعمها وبحطها وروز ماري
اخلطهم كويس واتبل الدجاج كويس وادخل التتبيله في الفتحات اللي فتحتها بالسكين ويارب  لو قبلها بيوم هاتبقي طريه جدا والطعم حلو جدا وتكون شبعت من التتبيله
طبعا الفحم يكون كله اشتعل معانا كويس ويكون مافيهوش نار طالعه منه يكون هادي انا بشغل مروحه على أقل سرعه وبعدها بعيد عن الشوايه ويادوب كل دقيقتين اقلب الشبكه وافتح عند العظم بالسكينه هاتلاقي صوص بيخرج منه يبقى كده لسه ماستوتش ولسه فيها دم نفضل نقلب ونفتح بالسكين براحه من غير مابهدل شكل الدجاج لحد ماتنشف تماما ومافيش صوص بيخرج منها كدا تمام هتاخد حوالي ساعه الأربع وممكن اقل وتكون حلوه جدا معانا
######
الكفته
احتاج لحمه الكيلو بيكون كيلو الأربع احمر والربع ملبس يعني حوالي ٢٠في الميه نسبه دهون
تتفرم ناعم أضيف عليها فلفل وملح وتفل بصله ونكون عصرنها اوي بالمصفاه واحتاج ميه البصل ودي هاركنها واحتاجهاوانا بصبعها علي السيخ واجي علي اللحمه واضيف معلقتين كبار دقيق كبيره ونص معلقه صغيره كربوناته
وابتدي اعجن في اللحمه كويس جدا وادمجها كويس هنلاقي انسجه وخيوط فيها كده بتكون تمام معانا……. طيب لو خشنه اخدها لفه في الكبه لو متاح وهتكون كده ناعمه وجاهزه
اريحها ساعه في التلاجه تشد معانا وابتدي اصبعها على السيخ وابل ايدي ميه بصل
واضيف معاها كمان ربع معلقه كربونات وابل ايدي وابصم عالسيخ باللحمه
بحطها على الفحم ويكون مش مشغل اوي يكون هادي   على خفيف اوي وادور الاسياح اول ماتبتدي تشد معانا بتاخد حوالي من ربع لتلت ساعه معانا مش زيي الفراخ والف هنا على قلوبكم
######
ملحوظه لو الدسم في اللحمه كتير اللحمه هاتفك علي السيخ
ولو البصل ماتعصرش كويس اوي السوايل هاتخليها تفك معاكي
ولو اللحمه في الفريزر ونشيل تلج حطيها في مصفاه وتفك وتنزل الميه اللي فيها ولما تفك نعصرها علشان ماتنزل ميه وتبقى وحشه معاكي
ولازم تدمجيها اوي وانتي بتعجنيها في بعضها
ولازم ماتكونش خشنه ولا ناعمه اوي تكون وسط في الفرم
ومعلقتين الدقيق مع الكربوناته بتخليها تتماسك معانا اكتر
والف هنا

رئيس قسم المطبخ أ سمسمه سعد

وأ بطوط احمد