الممبار مقدمة من الشيف مروة محمود
كتبت سمسمه سعد
الممبار مقدمة من الشيف مروة محمود
مدة التحضير: ٣٠ دقيقه
مدة الطهى : ٤٥ دقيقة
مقدمة من: الشيف مروة محمود
المكونات :
كيلو ممبار
كيلو ارز
بصل
توم
طماطم
كزبرة خضرة
بقدونس
شبت
فلفل اسمر
ورق لورا
حبهان
معلقة كبيرة صلصة
مكعبين مرق
زيت
ملح
ليمون و خل لنضافة الممبار
الطريقة :
كيلو ممبار متنضف ومغسول ومنقوع فى ملح وليمون وخل وبعد النقع يغسل مرة أخرى بماء جارى ويقطع بالحجم المناسب مع مراعاة أنه بيقل فى الماء المغلى
طريقة الخلطة
معلقتين زيت على النار و بصلة مفرومة و تشوحيها تصفر تنزلى بتلات فصوص توم مفرومين و تشوحى كويس و عليهم معلقة الصلصة و تقليبة و عصير الطماطم فلفل اسمر و مكعبين المرقة و تسيبيها تتسبك كويس فى طبق بقى كبير بتنقى الخضرة و تغسليها و تقطعيها صغير و عليها بصلة مبشورة و فلفل اسمر و الرز مغسول و متصفى كويس جدا و الطماطم المتسبكة و تظبطى الملح و تقلبى الخلطة كويس جدا و تبتدى تحشى الممبار بتفتحى طرفة فى طبق الحشو و بتدخلى الرز انا مش بستعمل قمع و الحاجات دى الطريقة دى سهلة و متحشيش كتير يعنى يبقى الممبار مبطط علشان ميفرقعش منك فى السلق تكون الحلة بتغلى كويس على النار بتنزلى الممبار واحدة واحدة هوة اول لما بينزل فى المية السخنة بيقل من الجانبين وبتضيفى بصلة و فصين توم و حبهان و لورا و فلفل اسمر و تسيببة لغاية اما يستوى و بعدين تطلعية من الشوربة و تسيبية يبرد و بعدين تحمرية فى السمنة او تدهنية سمنةو تدخلية الفرن و الف هنا
المزيد من المشاركات